偷懶左好耐
係時候更新下:P
最近心情唔太好
鬱鬱悶悶
暗瘡都爆多幾粒
呢個時間最好敷下面膜急救殘樣!
平價既都用過唔少
美麗日記香料頗多
美肌之誌紙質參差
自白肌過薄易撕爛
Faith in Face得個貼字冇咩料到
Annie's Way平平無奇
而我獨愛森田藥粧
無論價錢紙質成份效果都好平均:)
特別推介森田藥粧蝸牛修護原液面膜
特價時$58/10片
我趁萬寧買兩件八五折再平啲^^
它使用了新一代隱形面膜製造
都幾貼面但略嫌剪裁不是完全合適我的臉形
它主要功效是集中修護、使臉部肌膚光滑有彈性、晶瑩剔透
個人覺得修護和保濕既效果最顯著
每次用完皮膚都很舒緩和水潤
而且暗瘡印有減淡到
相信是有機神奇草抗發炎發揮了作用
它另一種成份是蝸牛萃取液
很多人聽到蝸牛都驚驚地
會唔會好笠架!?
認真覺得這個不會
用完毛孔會變得細緻
試過第二天化妝也很貼面
亦有朋友用過蝸牛話佢好乾
我就唔明喇
乾肌既我都覺得佢好夠保濕喎
前日敷的時候想通了
因為我每次用完面膜
隔十分鐘等佢吸收後會洗走表層
一來因為怕敏感
二來想清爽一點
而我相信我朋友是沒有洗到的
如果沒有洗這個步驟
應該會感到乾一點
因為蝸牛的保水能力很強
敷的時候皮膚極速吸收了
面上沒有精華剩下就會變得乾!
不過唔係每款森田面膜我也喜歡
它的五片裝款就唔太滿意
功效十分普通
我還是較推介森田十片裝的面膜 :)
Good :-) 十片裝
Fair :-| 五片裝
蝸牛中 :-D
|
