2009-11-13

11.13

趁考完試
特別為爹娘弄雞魚宴
第一味係糯米釀雞翼
只是十九隻也拆了整整一個小時
所以真係唔好煎人皮拆人骨咁殘忍
一口就咬到金華火煺同蝦米喇

第二味係鰻魚壽司

慢慢享用

*

11.14

一早起來
匆匆忙忙出門
買左枝旗
心情靚靚
因為約左豬豬呀包Moony唱K

呢行抵到爛
由十點唱到三點都係收三十九蚊咋
仲包一個餐兩款飲品一個甜品
我叫左鰻魚螺肉定食打包走
品嚐左一杯熱朱古力同埋芝士蛋糕
正呀

雖然我地等左Moony四十分鐘
搞到唱少左一個鐘
去到部電視又壞左
本來好掃興
不過塞翁失馬
焉知非福呢

我地竟然換左VIP總統大房
有成三個電視
一個專用廁所
地方幾寬敞

大家都好有潛質做填詞人呀下
但精彩極都唔及豬豬果句
提子裡暴潮裡
原詞係泥沼裡暴潮裡

之後去影貼紙相
有一張係FBI同龍吐珠
係我同呀包既傑作
有一張係豬豬同Moony眉目傳情
仲有抵到爛既十蚊數字Kai相
影完都唔知咩事囉

最後去扭水果BB系列扭蛋
扭之前我先同Moony講個腫瘤好特別
又可能受豬豬歌詞影響
真係扭到提子
即係我口中講既腫瘤
做左電話繩
好耐未試過開懷大笑喇

睇下

*

11.15

今日出新城市行街
搭既景幾靚喎
梗係啦
有我心愛的鴨仔同埋星星喎
可能近來南瓜薯蓉缺貨搞到我怏怏不樂
個天於心不忍獎勵我食另一樣野
我係一田見到豆漿麥片同南瓜黑麥皮
無糖低卡就買左
一定好好味喇

之後行過K2睇中左個紅色背囊
可惜丫咁貴唯有遠遠咁觀望佢啦

跟住見到婆婆賣白蘭花
買左兩朵
淡淡的清香
一點也不庸俗

等到吉蒂來了
我地出發去荃灣嘉樂冰廳

真係賠了夫人又折兵
由搭車去到搵路到食物真正放入口
足足花了三小時
本來是午餐變相成了下午茶
五點先有得食
餓死我

蛋治拱底的確有五寸厚
不過唔抵囉十七蚊
服務態度又差喎
其實出名既食肆係咪都咁劍拔弩張
一朝得意就學人擺架子不可一世

上上上次去時新快餐店食雙層芝士蛋漢堡係咁
上上次去清真牛肉館食牛肉餅牛肉餃子葱油餅又係咁
上次去公和荳品廠食豆腐花都係咁

討厭

早知去沛公甜品食千層班戟啦
早知去豆腐主義食豆腐啦
一樣係荃灣咋嘛

食完行左陣
睇到閃閃既鴨仔陳列係眼前好吸引
最後睇埋沙田燈飾就走人囉

*

11.16

今天很多人也有關心我
問我隻眼點解又紅又腫
家醜不出外傳
多謝NatalieSuki溫B呀包既關心
Timonthy同李日揚都睇得出我唔開心
好難得今次李日揚唔挖苦我
仲在旁鼓勵我
我真係覺得好Warm

不過我退步是事實
騙不了人
什麼校內試不重要
只是好讓良心好過點了吧

無論如何
多謝你地

*

11.17

多謝Monie的計算機
咁我唔駛買喇
不過呢款好難操作/_\

話說小尤同我地分析有考試係咪等於冇快樂學習
小尤:
我有個同事呢訓練佢個仔默書
佢個仔好鍾意默書架
佢父母仲幫佢計時限制幾多分鐘要默完

秦?皇?

好慘呀
咁細個就默寫默寫默寫
冇晒趣味

放學去Phy Revision Class
我諗都冇人好似我咁多問題問
好似有個死蠢坐係你面前唔用腦動不動就問咁

一個字:濫

但我真係唔明先問架
 

家寶Sir真好
每次都好有耐性教我
佢剛剛教完我一題
要我教番其他同學
佢亦在場看我如何演繹
既尷尬又靦腆
好似測試緊我係咪真係明咁

呢科考成咁於心有愧