我的小革命都尚算有點成績.
由上午到下午都維持著好開心...
放學陪羊太太食完生果,
再會合區小東去"享受人生"!
今次既目的地係... 中環!!

我地行左"傳聞中好靚"既agnes. b,
好一個"all in one"既concept... (去過就會明..)
"好靚....?"  完全唔覺.. 大概我未到level去感受...

之後就同區小東落去美食之旅...
就算要行好耐先去到勝香園... 都值得咖...
聽講果度既"蕃茄湯底"好正,,,,
好想試下果個通心粉有幾好食........
千山萬水咁行到, 佢竟然冇開門...
原來年廿八至初九都唔開......
算吧啦, 行下咪當做運動..

改左去中環另一間舊式茶餐廳.. 蘭芳園...
蘭芳園設有每人全日最低消費$25..
張張報紙都話"全港首創撈丁"... "好好食!".. "奶茶好正"...
阿姐姐又不斷問我地食咩食咩咁......
揀左"蔥油雞扒撈丁"(左)同"豬揼兜撈丁"(右)... 

↑唔好誤會.. 係區小東機影得好.. 本身d色係冇咁靚...

區小東試左奶茶, 都話唔錯..
至於果2個撈丁... 我就覺得麻麻.. 

今日都幾開心,
驗證左"傳聞中"呢幾個字幾咁犀利,
至少我地2個會信以為真...^^"

p.s.
多謝區小東肯陪我顛.. 又請我食野..