琴晚完全冇心機去溫書...
諗左bb叫咩英文名....
一路搵就一路等阿程電話...
如果唔係睇到個鐘話3點幾...
我都唔會覺得眼訓....

今朝想訓晏d.. 下午先溫書...
但爸爸係咁叫我起身睇bb..
我真係好理智咁答佢...
前晚先出世.. 邊有咁快出院呀..
佢話"係呀! 哥哥等陣車我地入去...."
於是美好既一日就用左黎睇bb......

由細到大, 爸爸都好少笑....
但爸爸一抱住bb笑到幾甜.. 
bb見到爸爸就擘大眼望實...
仲要笑到伸哂脷仔... 真係好得意~~ 
大姐話條友仔玩野... 揀人黎望...

bb同大家say完hello就訓著...
睇住佢訓一陣又醒, 醒完就食... 食完又訓..
下次我地都係要拎埋條口水肩....

見到佢地一家咁開心,
哥哥屋企人又錫bb同大姐.. 好放心..
湊bb真係少d心機都唔得..
大姐真係好犀利! 一定係個好媽媽~

今日真係好開心...
快d到happy friday啦~~
要帶阿程去睇bb!