我番o黎啦！兩日無打 Blog ，我都知好多朋友仔好掛住我o架喇！哈哈哈哈哈

廢話少講，講番正經野，今日真係要同你地分享兩件事：

第一，今日去葵芳 Broadway 睇周董 "不能說的秘密" ，好正，好正，一定要同你地分享，周董雖然第一次執導，但係功力真係無得彈，故事內容集愛情、懸疑，舖排會令到觀眾不經意入戲，最重要係各主角，包括周董、桂綸鎂、黃秋生，真係好戲，特別係桂綸鎂，正！坦白講桂綸鎂唔係特別靚，而係俾你覺得好真，好清純，爽朗、全身都散發自然美，俾觀眾好舒服，好舒服o既感覺，完全符合戲中角色；周董一如而往，好難得見佢笑一笑；秋生嘛，繼續大跳其舞、彈其結他，佢彈結他o個一幕真係好好笑；故事好出人意表；另一方面認識柏斯較深o既朋友仔都知我係好鍾意鋼琴，呢齣戲好多演奏o既 Sence ，啱我！我好想o係度同你地分享故事內容，但係為免掃一 D 未睇o既朋友仔雅慶，都係唔講咁多，總之呢齣戲好正，我會極力推薦，話唔埋遲 D 我會買埋 DVD 添！...........................桂綸鎂好正呀！！！！！

第二樣要分享係葵芳新都會廣場裡面維苑餐廳，如前所講，我o係葵芳睇完戲，之後去o左維苑餐廳嘆 TEA ，離譜！我左邊張枱，一對 Couple Order Set Tea ，成20分鐘都未到；我右邊張枱，等埋單都等左10分鐘；我前面張枱，個 Waiter 好快手放低o左一碟唔屬於o個張枱o既食物，仲好快咁不知所終，攪到o個張枱幾個客都唔知點，後來仲發老脾添；最後當然仲有我啦，叫o左兩個 Set Tea，一個好快到，無問題，第二個，我 Order 炸美式三文治，等o左20分鐘都未o黎，之後仲要一o黎就o黎o左件炸西多士，咁o既情形我緊係又發作啦，我最憎無 Service o既 Waiter ，仲要o黎錯o野俾我，後來我發完癲，個 Waiter 死死地氣同我換番個三文治俾我，埋單，我一毫子 Tips 都無俾，o車，都無 Service 可言，仲要加 Ten ，我俾味對唔住自己，如前，好多朋友都知我o係葵芳出世，我o係葵芳逛o左咁多年，都知道維苑餐廳 Service 簡直可以入10大，但係我估唔到闊別咁耐，依然一 D 都無變，垃圾餐廳一間，以後倒貼加攞刀"行"住我條頸都唔會再去