哇 Hahahaha.....

期望已久o既柏斯哥哥終於返o黎啦！.......咩話，無等我，喂，唔好咁 hurt 我好喎

自從上年中屋企部電腦 break down，我o既生活習慣都改變o左好多，以前每日o係公司對住部電腦做野，返到屋企又係對住部電腦打機Web-Surfing做功課，生活好單調，亦都因為只顧住部電腦，原來每日都忽略o左好多野都唔知；好喇，到部電腦真係壞鬼o左喇，先知屋企原來應該有好多比對住部電腦更有意思o既事等住我做：放工好好地煮餐飯，每日都執o下屋，執o下衫，每日同囡囡梳o下毛，同佢玩o下掟波波，再者每晚同佢落街行o下，同朋友仔 so so 下，呢 D 野我全部都唔記得晒要做，當然，凡事都有好有壞，無o左部電腦，都實在好唔方便，放假無得o係屋企上網睇報紙，日日都要落會所，有時想上網搵資料，又要落會所，都真係 xxx！

的確，凡事都有好一面壞一面，電腦融入我o地o既生活，變得不可或缺，佢會帶來方便，不過電腦始終係死o既，除o左電腦外，身邊好多事都值得關心，經過呢段 "無腦" 日子，我體會好多，而家每日返屋企，急住o既唔係跑去書房開電腦，而係期待一開門囡囡撲埋o黎歡迎我o既一刻，希望你地都會明白我講緊乜啦！