琴晚訓前聽收音機　聽到好夜　

所以今朝起身都好辛苦　想死

好在都起到　沖埋涼　差Ｄ遲

岩岩比我趕到七點九班船　呵呵　ｌｕｃｋｙ

之後船上同車上都好眼訓　訓晒．．．．．

去到東涌　專登過左富東　諗著買早餐

但係過到去　又唔買　我終於知道自己點解過黎

其實我根本係想睇下撞唔撞到妳　唉

我都問了自己一句「你係咪傻嫁？鄭健川」

我都控制唔到．．．．．．對不起

之後番學校　係東薈城撞到嘉慧　一齊行啦

番到去　夾森果班坐左係度　唔知仲有幾多次坐呢個位

坐左陣　上去上面補數學啦　課室比我既感覺好溫馨

真希望仲有機會可以五愛班齊人坐係課室

相信機會不大了　只能成為心中的回億

之後補數學　講番考試既乙部題目　

確確實實又真係幾難＝３＝

題題都拎得少少分　不過

我相信拎Ｂ係無問題既　Ａ就．．．

之後完左數學　小息　過左仁班

係門口望左陣　見妳唔係入面　我先入去搵馬屎玩

點知我入左去一陣　妳就番黎了　

見妳的樣子又不太開心　是因為看見我嗎

還是因為其他事　很想知　卻不敢問妳

中文　肥陳話好多人炒左＝３＝

佢話我係其中一個　之後成堂教說話

落堂　落去睇分　唔算太炒姐　總分實過５０分

Ｄ啦喎　仲想點＝　＝不嬲都差唔多嫁啦

之後　去食野　同馬屎兩個去椰林閣食

咖哩雞排意粉　幾好食　呢間Ｄ咖哩同麗瑤比

就好似天同地咁樣囉　誰天誰地心照啦

食完　去左打陣波　本身唔想打

廢事流汗啦　點知都打左　好熱＝３＝

番學校　叫小方方教我睇日文　填宮女給我的紀念冊

之後就上去補化學啦　我係精英班的　第四　唔据

想入三甲＝３＝　算　下次再努力　補化學

好慘　論述題　我答勁長　得３分＝３＝

馬屎答少少　１分．．．可惡呢

之後完左　去睇分啦　我６１分　得Ｄ

如果有Ｃ就好　雖然６１都有機Ｃ

不過高分幾分　Ｃ硬就最好啦　嘻嘻

之後就番家啦　６點船番家　好累

之後食飯　食完飯　好累了　

即訓　本身好好訓的　點知

１１點果陣　死老野打黎嘈醒左我－－

攪到訓唔番　之後玩起身ＭＳＮ

希望早ｄ訓得番．．．．．

*今日見到９家姐好似好唔開心

　可能因為考得唔太好啦

　希望佢唔好唔開心　化悲憤為力量

　會考考好Ｄ啦　

　各位都要加油呀！！！！！！！