今日　約左一大班靚仔靚女食早餐

所以　我５點半就要起身ｌｕ　

如常咁梳洗　唔知點解今日好快

攪到換完衫　坐左幾個字先出發

咁搭船　今日好似會落雨咁

所以帶左傘　但係路上都無雨

咁上車　超好訓呀　好累因為

之後到左　預左第一個到嫁啦我

係ｍ記　７點３　等啦　好期待

第一個出現既會係邊個呢

係比較有時間觀念既死傻仔老野

定係冰雪聰明既大美人彤彤呢

點知　令我十分十分失望　點解！？

因為　第一個出現既　竟然．．竟然係

厚唇小子馬屎＞＜．．．又失望　又驚嚇

講下笑姐　馬屎唔好嬲＾＾　之後　

打左比老野　佢話係單車場　個鎖有ｄ問題

咁就過左去睇啦　唔知點解佢個鎖開唔到

我諗佢都係時候換鎖啦　咁整左陣　總於

開到啦　番去ｍ記　彤彤　蚊２　ｔｒａｃｙ

個個都開始黎啦　買野食　又食上次個豬排粉

好味　不過佢地又話要番學校靈修　

攪到好急＝３＝仲想慢慢享受下添　呵呵

咁要靈修果幾個就番去先啦　

我　老野　蚊２　ｔｒａｃｙ就慢慢行

行到番去　見落雨　唔駛早會　ｙｅａｈ

番課室　要上６樓．．．行到好辛苦

好似好耐無行樓梯咁囉　因為補課果陣

次次都搭ｌｉｆｔ　睇黎我老了＞＜嗚嗚

上到去　等對卷啦　企係門口傾下計咁

見到妳係樓梯行過黎　我番左入課室

我都唔知自己想點．．．唔知點解要避妳

之後就對中文卷啦　幾好幾好　幾滿意

雖然志堅又總係話我炒左．．．．

但係我自己真係幾滿意　之後完左啦

小息　夾森話頂飯喎　好啦　好耐無頂

頂完　對物理卷啦　等左好耐下

方ｓｉｒ睇錯時間表　過左半堂先上黎

咁照對啦　好ｏ咀囉＝３＝勁低分

低分過ｄ唔應該低分過既人．．．．

咁講會唔會有少少串咀呢＾＾算啦

會考　大家都要努力　希望各位都有好成績

對完　放啦　食飯　唔知點解未食已經好飽＝３＝

不過食下食下又肚餓喎　神奇呢

之後食完　打波　其實唔想打　因為累

同埋岩岩食飽　等陣又要補課喎

但係都打左　我同肥牛肥仔一隊

打夾森華ｄｅｅ馬屎　哈哈哈

同兩個肥人一隊太易打了　靜係射三分

郁都唔駛郁　以為佢地夠打啦　點知

肥牛佢地差一分就輸　高估左佢地添＾ｖ＾

咁就想贏番啦我　郁下　哈　拉走左個人

肥牛話咁易就入波啦　最後我超有型

四分位射波　夾森仲大叫「ａｉｒ嫁佢」

我就叫「ｉｎ」　之後真係ｉｎ左

嘻嘻　我真勁　打完波　休息陣

上去補化學啦　好悶＝３＝又好累

補左陣開始訓覺　訓到走得　走啦

佢地走先　約左老野係地下等

但係我又去左圖書館喎　咁打比佢

估唔到佢已經走左　咁我就話佢家等啦

之後我落去　見到蚊２　傾左幾句

見妳又係後面落緊黎喎　我就行快ｄ

廢事撞到既話　又唔知點啦　之後行啦

係地下又同何ｂ傾左幾句　妳又落到黎

我又想走了　之後同楊ｓｉｒ一齊行

之後去搭３８　點知夾森佢地．．．．

咁早走　都係同我搭同一班車　呵呵

之後仲見到大佬云佢地　一齊過去

之後　佢地去搬野　我上老野屋企

今次唔打ｐｓ了　玩大富翁４

哈哈　太好玩了　老野真的很廢

完全比我玩弄於生死之間　實在太好玩了

最攪笑係　老野比我整左好多次　佢有張夢遊卡

想整我　我話「你整囉！」佢整左　之後　我話

其實我有張嫁禍卡　之後佢夢遊左自己　嘩哈哈

太好笑了　不過玩唔晒呀　未玩死佢

仲係得少少錢佢細佬就番黎＝３＝

ｓａｖｅ左　下次再玩　嘻嘻嘻

之後老野要過富東整下個鎖　一齊行過去

傾計　傾左好多關於大家將來既事

都有傾過關於妳既事　又一個人是這樣說

真的嗎？？其實我早知道　但是　感覺

往往是我們不能控制的　不保證以後都是這樣

但我能保證的是　現在　我真的很想我的將來有妳的存在

傾傾傾傾傾　傾到７點半　搭車啦　搭８點船番家

番到家　打日記　傾ｍｓｎ　等食飯．．．．．