今日約左佢地唱Ｋ 早上７點起左身
但係無番去補中文 因為太累了 再訓過
訓到十點左右先起身 之後ｍｓｎ約左１２點半學校等
今日好凍呀 所以著左好多衫衫 同埋行之前
睇個天好似會落雨 所以帶左把傘同埋順便拎左兩包紙巾
之後搭船果陣 勁大風 前日明明仲好熱＝３＝
點解今日凍成咁 之後去到東薈城果陣 撞到嘉慧同佛強
借黎打左電話比彤彤 原來佢地早就補完 番左去換衫衫ｌｕ
之後約左１點係月台等 所以同佢兩個係ｍ記食左ｄ野之後去啦
去到 傾左陣計 要等ｄ女孩子們 發現 陳志文ｄ動作
好得意 好似一舉一動都好誇張 經過訓練咁 ｆｕｎｎｙ
之後等多陣 總於齊人啦 １１個人去唱Ｋ
我 夾森 馬屎 華ｄｅｅ 志文 ＪＹ 老野
彤彤 區虫 區祈 蚊２
一齊向油麻地出發啦 有ｄ人行得快 有ｄ人行得慢
點知行得慢果ｄ 原來唔識路嫁喎 哈哈 低能
之後去到啦 今日係我第一次入Ｋ房 感覺良好
唱Ｋ 幾好玩啦 雖然唱得唔好聽 不過好鐘意睇人唱
每個人唱都有ｄ小動作 好得意 特別係陳志文
真係好鬼攪笑 唱親都要手舞足蹈 好得意
睇佢個樣 仲要以為自己好有型 哈哈 真係頂佢唔順啦
不過５個鐘好長＝３＝我５點幾果陣都覺得好累了
ｓｏ就Ｚｚｚ 但係咁嘈 又邊訓得著呀 所以就等
等時間過去 總於 ７點ｌｕ 比錢 走人 走之前
老野發現有隻歌 好岩我地兩個 「愛的故事上集」
岩呀 真係好鬼岩我地 ｄ歌詞 好衰囉
講中晒人地ｄ心聲＞３＜最鐘意呢一段
「知不知每晚想你十次百次
每晚也去等因我極心癡
可不可合力延續這故事
延續這片愛意一生兩相依」
本身有人唱左次 我同老野專登重唱多次
唱果陣 真係有ｄ想喊嫁 一直想同你講既野
好多都係隻歌入面 特別係十次百次果度
我同老野唱埋千次萬次 有感而發 哈哈
感謝填詞人 把我們的心聲都寫出來了
唱完之後 唔知點解好鬆 個人好開心
但係又唔知開心ｄ咩喎 哈哈 之後去影貼紙上
１１個人 好逼呀 好多張都影唔齊人 算啦
我好似張張都影到咁＾＾影完之後就去食野啦
我想食吉野家 行去既時候 發現左陳志文行路既特徵
就係雙手會勁誇張咁前後擺動 好得意 咁我學佢啦
好好玩呀 睇佢比我學個樣 又想笑 又無奈 真開心
咁之後食完野啦 陳志文就去洗手間 番黎既時候
行過我身邊 拎開我個袋 坐下 呢三個動作
攪到我笑左成分鐘囉 真係好鬼得意 好攪笑
我見咁得意 所以就扮佢啦 哈哈 扮佢行
行去洗手間 行番出黎 發現 咁會比好多人望著
哈哈 難怪佢咁唔知醜啦 佢由細到大都咁行
慣左比人注視 相信一定係咁啦 哈哈哈哈哈
之後 我地走啦 行去地鐵站 途中我都不斷學佢
好好玩 好耐無試過好似今日咁開心 之後佢地陪我過中環
太感謝了 但係咁岩走左班船＝３＝咁只好等啦 唔知點解
好似好快就到咁班船 之後上船 無意識＝３＝
一上去就訓著左 好好訓 之後落船 好凍呀！！＞＜
跑番屋企 番到去 沖涼 ｍｓｎ 打日記 Ｚｚｚ
* 今日真係好開心 打日記果一刻都好開心
雖然跟妳之間 距離並沒有任何改變
但是今天的心靈十分滿足 相信
今晚終於會有一覺好訓 哈哈哈哈哈
|
