今天是謝師宴 我１０點幾在發家一起床 便回家去 因為要換衫
番到去 訓左陣先 因為琴晚打波打到十分累 唔想個樣太眼訓
之後訓到３點左右 起衫換衫 執野 ４點左右就搭４點３船行啦
本來我出面口果陣係十分整齊的 但係真的十分熱 所以要除衫
扮有錢仔 哈哈 我諗都幾好睇既自己 之後去左華ｄｅｅ家
放底ｄ衫 佢地個個都係入面換衫 好攪笑 個感覺十分似結婚ｄ兄弟
之後等左陣 就落去了 天氣很熱 但係佢地全部都唔肯除件西裝
因為很型呢 哈哈 之後搭地鐵 涼ｄ都 不過我著冷衫都無咩所謂
之後去到尖沙咀 我仲諗著實有人識路 點知原來個個都唔識既 之後
行行下 以為行錯 番轉頭 點知之前條路先係岩既 又行番過去
攪到遲到 之後老野搵我 我本身都唔知咩事＝ ＝原來我．．．．竟然
竟然已經被內定為校花了 哈 都唔知開心定唔開心 不過有得玩都好既
之後入到去 好快就見到妳了 妳今天很靚 雖然我假假地都校花
但係你係我心目中 永遠都係最靚果個 不過都係唔敢同妳講野
不過都同夾森馬屎果班坐埋一齊 見到好多女仔今日都打扮得好濃重
不過有ｄ裝太濃唔多好睇 當然有ｄ還是十分漂亮 不過男仔方面
大部份都著西裝 我就著冷衫 都幾好 夠特別 之後周圍影相
影左陣 三個司儀叫ｄ人番晒埋位 開始講野 好ｃｈｅａｐ囉
三個司儀都唔係做司儀既材料 唉 不過算啦 我都唔太想麻煩
因為諗緊校花果陣點攪夾好 之後慢慢諗 都諗到成個流程都做
叫埋老野幫手 而７健就係校草 之後抽左陣獎 玩左陣遊戲（廢的）
之後有個好精彩既情況 就係靚靚竟然比人叫左出去唱歌 之後我地果台
全部都叫夾森出去 一開始佢都唔肯出既 點知唱唱下 校長請佢出去
無得唔出啦佢終於 出到去 佢話想搵ｄ花蓋著塊面 點知我地ｄ人
以為佢跪低 真的太攪笑了 之後勁多人影佢地相 勁似一對新人 嘻嘻
之後開始食野 無咩心情食 因為今日可能會有好大的遺憾 想影相
周圍影 同好多好心愛既老師 可能唔會再見既好同學影 好想同妳影
但係真係唔敢 周圍影左好耐 食野 又影 又食 我好驚 真係好驚
我驚今晚之後 妳就會係我生命中消失 我真係唔想咁樣 就算只係一張相
我都想留下更多有妳的回億 之後都無影到 司儀又叫我地全部都番埋位
原來要頒校花校草了 心情真的好煩 不過都唔想影響到大家的心情
ｓｏ一直都扮著開心 ７健拎之前 我地仲夾定 要扮ｄ歌星拎獎
同旁邊ｄ人擁抱 握手 之後佢拎完 到我 司儀正式宣佈之前既提示
好多人都估到係我 其實有得咁玩真係幾開心 之後如計劃一樣 同旁邊ｄ人
擁抱下 老野過黎接我出去 行出去果陣 佢拎塊鏡比我 我拎把梳出來
我諗呢次應該係全場最得既笑位啦 話晒都我諗 嘻 之後出到去
諗著有得玩 原來無 根本就係比人玩＞＜比人用搥仔打 又比人話內定
我只好講句 我係實至名歸 因為對手大多數都係ｘｘｘ同ｘｘｘ（司儀來的）
之後仲比人逼我地結婚 估唔到我既第一次行婚禮 咁就比７健拎左
對不起（跟妳說） 之後玩完過後 都係不斷咁影相 食野 最後一刻
我真係好怕會係今日 連相都無得同你影一張 所以真係鼓起勇氣
同妳講「可唔可以影張相呀？」 一開始妳好似扮聽唔到咁 我好驚
驚妳真係唔肯同我影 好在之後 我問多次 妳終於都肯同我影了
雖然都係無咩直接望我同同我講野 不過可以同妳影到呢張相 我已經
心滿意足了 之後心情真的放鬆了一點 之後周圍影左好多大合照
好多相 之後呢個謝師宴 終於都係司儀既宣告之下正式完結 一齊都完了
我同妳 可能以後只會係人海中兩顆無連繫既沙 諗到呢一度 真係想喊
不過係咁多人面前 又要忍 好辛苦 自己行左埋一邊 坐 腦海裏
咩都無 只有妳 之後係酒店門口等左好耐 唔知等ｄ咩 心情好差
所以去唱ｋ真的很不錯 之後攪左好耐 終於都行得 行既路上
同６姐傾左陣 周圍行左陣 呢個時候夾森人生的決擇終於都來了
不過既然係佢既事 我唔應該係到講既 嘻嘻 之後因為某ｄ原因
佢同７健同我地分開了 要去好重要的地方 加油呀夾森 ＾＾
我地成班都去唱ｋ 真攪笑 個個都著到咁靚去唱ｋ 哈哈
而且好耐無見過既周ｓｉｒ今日都有黎 仲同我地一齊去ｋ房添
不過佢無入去 只係係門口 同我 同馬屎傾計 我一開頭都有入去
等左陣先出黎 周ｓｉｒ同馬屎傾關於愛情既事 周ｓｉｒ講得好岩呀
「唔應該去為一ｄ無可能既事再去努力下去」 真係講得無錯
哈哈 估唔到一句話都可以令我由好唔開心好唔開心既時候 令我諗通
真係要多謝周ｓｉｒ 以前對佢咁差 攪到佢走左 而家先知佢係咁好
之後同佢傾到１點幾 因為佢聽日要番工ｌｕ 所以最終都要離別
之後成晚 就係不斷咁唱唱唱 真係好放鬆 唔需要理會任何東西
同埋我覺得自己唱歌好聽左呀 哈哈 愈來愈鐘意唱 之後就咁唱左成晚
第二日既８點鐘先番家訓覺 好開心 感謝主 比我一個開心既謝師宴！
|
