今天是聯堂浸禮　本身諗著唔去的　所以早上無著恤衫西褲

如常既番教會　番唔到祈禱會＝３＝番左主日學　要升班呀

之後崇拜　無訓著　幾精神　感恩　之後完左　諗著陪佢地買完野

番家　點知　傾傾下　知道妳都可能會去　所以就打發夾森去打聽下

點知妳真係佢　所以即刻買個飯就上埋車啦　真傻呢　妳去關我咩事

之後去到　坐左去最前　轉身和老野傾計時　總會不自覺望向妳

妳會發覺到嗎？？　之後聽王偉強先生講野果陣發現左ｄ攪笑野

佢把聲有ｄ似曾志偉　嘩哈哈　好得意　聽完　睇ｄ人浸落去

其實好悶下　不過可以見證志誠受浸既一刻　係值得來既

之後睇完受浸過程　係咁影相影相影相　好煩－　－坐低休息

柯散姐話我最後決定出席呢個浸禮　係一個正確既決定

雖然唔知佢咩意思　但係我都覺得黎左係無錯既　做一個見證人

總比回家訓覺好的　之後比大佬叫左出去外面等　係街等左陣

上埋車　係窗看著妳由禮堂行出來　也許這是我最能看清妳的一刻了

之後坐番埋位　同夾森（姑且出下呢個名）兩條友係車上睡得像豬

佢常常捱埋來　又唔知自己又臭又重又硬－　－攪到我好辛苦

之後去到富東　記得呀媽叫我食埋飯先番　所以就決定去逸東啦

但妳要先落車ｌｕ　聽著妳同每個人ｓａｙ　ｂｙｅ　慢慢走

但卻當我透明一般　感覺真不好受呢　但也慣了．．．．．．

之後去到逸東　同大佬　區祈　呀箱　ｓｕｎｎｙ　蚊２　食野

無咩心情　食完　７點左右就走人了　一個人慢慢行過富東　

寂寞之中　卻擁有完全屬於我的私人空間　其實也有一點享受

畢竟進入我世界的　儘管是多要好的朋友　也不會是妳

會不會太重色輕友呢＾＾”　希望各位朋友不介意吧　呵呵

番到家　既有一點滿足但卻失落的一天這樣就過去了　呼

明天便開學　是否一切也會變得不同呢　希望真的可以忘掉妳！