中秋節快樂！！！！

哈哈！！遲左少少講添　對唔住各位讀者　今個中秋過成點呀？

我今年過得好開心呀　雖然有幾多後果同埋用左好多＄＄

至於講到我做過ｄ咩呢　簡單來說就係兩個字　「唱ｋ」啦

正日２５號果日　因為我要跟戲劇學會去睇人化妝啦　悶到傻

之後５點幾果陣就番家　番到家訓左陣覺　一直都諗緊　出唔出去好呢

其實唔太想出　出去又話無得唱ｋ　又話唔通頂　咁我出去有咩意思

點知７點幾食飯前華ｄｅｅ打來話　有得唱ｋ　８０蚊炸喎

我諗著節日唱起碼都１００蚊樓上啦　點知諗一諗　佢仲話

蘭智話我去先去　呀鵬話蘭智去佢先去　咁我見咁　就去左啦

搭船出去果陣有ｄ後悔嫁　因為有ｄ累　同埋覺得好鬼貴好鬼貴

我又窮　而家都唔知差人幾多錢　好在今晚問到家姐同爸爸拎少少

叫做有盤川來回咁啦　哈哈　之後過左逸東搵華ｄｅｅ佢地先

東涌今年少左好多人啦　唔知點解呢　不過都有ｄ氣氛嫁

好多小朋友帶著ｄ營光棒周圍走　係咁掛上ｄ樹上面　好靚

雖然對環境唔太好＾＾”　之後搵到佢地啦　其實無咩做嫁　行下

傾下計咁　幾開心呀　之後買宵夜食　食下傾下１２點半左右就走ｌｕ

同華ｄｅｅ搭Ｎ３８過富東　會合埋蘭智同呀鵬　四個出去ｌｕ

搭地鐵既路上　同蘭智傾左少少秘密咁啦　又認識姊妹多了一點

之後去到旺角　要係地鐵站等蘭智個ｆｄ拎ｄ野比佢　等完就去啦

去左加洲紅　２點９有房就到我地唱啦　開始果陣係有ｄ太靜既

之後愈唱愈ｈｉｇｈ　好凍　有點累　訓左陣　之後再唱

唔知點解同蘭智唱歌特別開心　條氣好似好据咁　好舒服呢

而家華ｄｅｅ真的變了　以前唔肯唱　而家爭著唱　哈哈　

唱歌可以減肥既話就好ｌｕ　岩晒華ｄｅｅ　呵呵呵呵呵呵呵

至於鵬唱得都有ｄ進步既　雖然還是水平之下　有進步空間既

唱到６點幾就走人ｌｕ　奇蹟地又唔係好累炸喎　可能訓左幾個鐘既關係啦

之後經東涌番家　番到家　８點幾訓左兩個鐘左右　１０點幾就起番身ｌｕ

點解　因為我約左ｃｈｅｒｒｙ佢地「再」去唱ｋ囉　唔訓唔覺

原來我真係好累嫁　帶著疲倦既身體　１２點就搭中環船出去啦

出到去油麻地果邊　搵佢地食埋個ｍ記先去ｎｅｗａｙ啦

呢個中秋最唔据既兩件事就係呢個時候發生左啦　你地估下係咩事

第一件　唔提唔得啦真係　果個死人立文　實牙實齒咁話一定會來

點知　連本身話唔想來既ｃｈｅｒｒｙ都黎左呀　佢去左邊呢！？

佢竟然仲係屋企訓緊覺呢　我地同佢講唱到８點叫佢即刻來都唔肯

好啦　我會嬲佢一段時間先既　原諒佢都一定會記著今日囉　呵呵

川川係好記仇既　嘩哈哈哈哈哈哈哈哈哈哈哈哈哈哈哈哈哈哈哈哈！

至於另一件事就係　本身來唱ｋ係因為我有張優惠卷　諗著唔駛錢嘛

點知原來果張其實係通告　只係通知我地　６個人或以上可以無限任唱

不過要比６５蚊咁解姐　唉　估唔到閱讀５＊都解錯左添　ｓｏｒｒｙ

之後同佢地唱呢　又另有一番風味既　佢地比較愛大叫大喊多過唱歌囉

特別杰仔　超大聲　叫到有ｄ唔似唱歌咁囉　佢一唱我就唔駛唱－３－

不過講到底　都係開心既　可以同呢班新ｄ既朋友一齊玩都好感恩

之後仲有蛋糕食　不過香檳我就唔飲啦　我係個乖乖既小朋友　唔飲酒

之後本身仲諗著做咩功課做咩功課先訓　但係我已經累到呀媽都唔認得啦

所以一番家涼都唔沖就訓到隻豬咁ｌｕ　Ｚｚｚｚｚ．．．．．．

＊也許校園生活真的把我對妳的一切也沖散了　剩下的　

　有很多的內疚　但還有愛嗎　我真的不知道呢　

　下篇的日記開始　妳再不用妳表示了　放下的感覺很好呢　哈哈