好耐無打日記ｌｕ 因為常常晚上都不夠九點就睡得像豬一般
所以無咩機會打 有精神玩電腦果陣又無咩心情打＝３＝真的很懶呢
呢段日子都有好多值得記低既事發生左
１７／１０
靈糧堂怡文中學第四屆既陸運會第一日 跑一百米輸得勁樣衰＝３＝
不過超級開心 因為好多時間都同成班６Ｂ既同學打氣打到傻咁濟
仲有好多好叻仔既同學拎到獎 恭喜各位得獎同學 同埋班際４ｘ４００
杰仔最後差ｄ追到 可惜跌親 不過體育精神好值得我們尊重
最後四位６Ｂ既同學幫６Ｂ爭取到一個銀牌 感謝你們的努力^^
１８／１０
陸運會既第二日 今日好精彩 睇左好多好多決賽 不過我都無比賽
靜係等到跑班際４ｘ１００ 跑第４棒 整個身體都不太聽話呢＝３＝
不過好在經過不斷既休息 到跑果陣其實都還可以嫁啦 叫做跑得郁
最後５班跑第４－ －好過包尾 哈哈 不過之後勁好彩呀 有一班
非常不幸咁ｆｏｕｌ左 之後我地班有個銅牌拎＾＾仲以為今年會無牌
不過之後就真的很累了－ －（難到我真的老了？一日跑一百米就無力？）
所以下午就坐係終點果度係咁睇ｄ人追線 點知仲要玩果個咩競技接力．．．．
不過講真又幾好玩既 叫做輕鬆下都幾好呀 ｈａｐｐｙ！！！！！！
之後睇友校接力就真係勁好睇 東天ｄ跑手超勁呀＝３＝男女都好快
比佢地拎晒冠軍 不過怡中的團結氣氛很不錯 全場都有為怡中打氣
之後有件事勁唔据的－ －班際４ｘ１００個牌頒錯左比隔離班．．．．．
之後同蔡ｓｉｒ講番 但都要等到番學校先比番我地＝３＝唔開心呢
不過算啦 反正個牌都係有運先有－ －完左陸運會之後
約左學生會的同學們去打邊爐 但係８點半打－ －完果陣先４點半
所以我同呀鵬去左Ｂｏｗｉｅ媽同許生果邊傾下計 食下野咁先啦
＊媽同許生今日都有黎睇我地陸運會嫁！！！！！！！！！！！！！！
但係去到－ －ｄ野好貴 同埋打邊爐要食多ｄ 廢事虧本 ｓｏ唔食
之後班人係咁講難夾－ －不過難得來好好笑 開心到六點左右
同鵬打比小玉佢地問佢地係邊－ －佢地係杰仔樓下 我地話過去
點知佢叫我地去青衣等 話即刻過去搵我地．．．點知 一等就等到八點
勁唔開心．．．．．．有種被眾人欺騙的感覺．．．．．．．．．．
不過同鵬傾左好多心事 了解左對方 可能呢個都係神比我地相交既機會啦
之後打邊爐 我覺得咁多人入面最攪笑果然真係小玉－ －佢係傻的
無啦啦話「今日木村生日，大家唱生日歌比佢聽。」 既無奈又開心
仲有件事勁攪笑就係 我同呀Ｒｏｙ傾計 話我尾班船１２點半 點知佢又大叫
「吓∼而家搭４啦喎∼你仲唔快ｄ去搭船」但其實果陣係１１點４＾＾”
＊希望小玉上黎睇 睇左都唔好打爆我個頭 呀們！！！！！！！！
不過打到咁上下 同呀鵬走先 一番到家就Ｚｚｚ．．．．．．．．．．．．．
－－－－－－－－－－－－－－－－－－－－－－－－－－－－－－－－－－－－－－
１９／１０
琴晚玩得太累了 本來諗著訓到下午兩三點先起身 但係醒起
今日約左蚊２佢地去唱ｋ喎 同埋呀媽都逼左我去拜山＝３＝
ｓｏ早早起左身 野都未食就要去拜山 不過非常非常感恩
家人都肯接受我係一個基督徒 可以唔駛我上香果ｄ啦 不過
佢地就要我買花上去 不過我覺得主真係係過程中有好大既保守
比著以前佢地一定發晒脾氣＝ ＝打死都唔會比我自把自為啦．．．．
之後拜完山 趕趕的回家沖涼 著得靚靚仔仔 岩岩比我趕到上船 哈哈
點知－ －我上左船先發現 我連鞋都無換到 算 聽ｍｐ３好過
點知落船見到富豪雪糕車＝３＝想買果陣發現．．．我連錢都無帶到
得張有３０幾蚊既八達通．．．．．不過都照過油麻地啦 蚊２佢地早我少少
估唔到夾森都有黎－ －佢黎到又唔唱歌 靜係黎食野 食傻仔 晒錢
不過今日狀態好好呢 唱得好好聽 仲驚陸運會會叫到無聲 好在無咩影響
不過好想同欣彤合唱呢 佢成日都唔出席＝３＝希望佢下次會一齊出黎啦
不過唱到ｈｉｇｈ ｈｉｇｈ地咁 其實有ｄ唔知做緊咩的 只係唱唱唱
之後唱完 走ｌｕ 番家 Ｚｚｚ．．．．．．．．．．．．．
＊ＵＴ快到了 中英物理純數通識－ －有邊科我有信心嫁啦 好似無喎
一定會努力溫書 面對ＵＴ 請大家為我祈禱啦 嘩哈哈哈哈哈哈
|
