今日約左夾森們食早餐 ６點起身
之後沖涼搭七點船過去 ７點１０先到
因為係架車到訓著左＝３＝無人叫我
之後食ｍ記 咩豬排縷縷粉 幾好味
跟著我 鵬 夾森就番學校啦 番到去
整左冷氣費ｄ野同拎番張準考証先
點知整左好耐 都係要校長簽名先得
咁我就考左試先 之後入去等
入到去 見唔到夾森 馬屎果ｄ
原來佢地去左廁所 唔知點解比人罰企
得番７健係度 咁我就坐埋去
坐坐下 頭暈暈地又眼訓
咁就諗著行埋一邊訓啦 點知
行行下都比姓王既話．．．．
咁咪講聲唔好意思囉 覺得勁慘＝３＝
之後就訓啦 訓訓下 肚痛添
問嘉文借左廁紙 之後就去廁所啦
點知就係門口見到夾森史史馬屎同大佬富
好攪笑 比人罰企 呵呵 仲要睇著我去
去完又睇著我行番入去 好爽好爽
之後我番入去 佢地好快都番得入黎啦
同花姐馬屎夾森傾ｄ低ｂ野 幾開蒆?
之後就考啦 準備果陣 係咁咳
都知今日唔太舒服嫁啦 不過小事姐
影響唔到 之後上去 行完樓梯氣都咳
點知即刻就要朗讀 讀得好鬼差．．．
之後就小組討論啦 今次呢個都幾難
所以我講得既ｐｏｉｎｔ唔多
同埋覺得今次講野有ｄ亂 我諗唔太高分
不過希望志堅比高ｄ吧 呵呵
完左之後 就番逸東食野啦
９姐花姐威都有等埋我地 咁就一齊去食野
過去 又食麗瑤 哈哈 每次行過逸東
都一定勁攪笑的 真係想住係東涌
可以同佢地日日都行過呢段路
不過威佢又食左我上次果個咖哩飯
真可惜我聽唔到佢叫 唔係實會錯止佢
因為呢度ｄ咖哩真係好鬼難食
算啦 食完之後 我地就去打波
９姐６姐１１姐就番學校對卷
上到去 打啦 好耐無打了
鬥波鬥一陣已經好累 想休息
但係起初得六個人 無得休息
ｓｏ只好繼續打啦 之後７健同史史都上黎
咁我打左陣就換７健入黎打啦
之後就休息 想買野飲 我見今個月有錢
就請晒佢地飲野啦 咁飲完 休息多陣
我見威果隊贏得太多了 決定要做低佢地
咁我就拉夾森同７健打 打得好激
最後我地贏左佢地 呵呵 覺得自己好勁添
之後玩多陣 佢地番家食飯啦 我都去食飯
食大家樂 華ｄｅｅ 發 威部我食
食完 幫佢地買ｄ野就番上去啦
估唔到已經９點幾 打多陣波就熄燈ｌｕ
但係呢個時候 有ｄ事發生 ７健落左黎
咁最後打多幾場１ｏｎ１ ７健想走啦
但係我又想傾計 就捉著佢 傾左陣
馬屎又過黎想傾 ｓｏ我地三個
就去左公園到傾 感覺十分之良好
好耐都無試過同呢ｄ兄弟咁傾計
新得到既資料都唔少 唔錯唔錯
最神奇係華ｄｅｅ都有講自己ｄ野
覺得佢最近做人方面進步左好多 感恩
咁之後太夜了 我地去買埋野飲
決定左去威屋企訓 咁１１點９左右
我地就搭３８走ｌｕ 一上車
覺得好靜 一靜起來 我想起了妳
其實今日雖然開心 但係始終都覺得差ｄ野
心靈滿足唔晒 希望將來再出黎玩
會有唔同既感覺啦 因為心情既問題
係回程路上 唔太想出聲 同威都講得好少
之後去到佢家 玩左陣「遊戲棒」
沖涼 Ｚｚｚ了
＊總括而言 今日真係好開心
但係開心唔晒咁囉 呵呵
希望以為都可以同你地呢班好朋友玩
當然更想同「妳」在一起吧>^^<
|
