今日一如以往,照常返學,不過,有件事唔想試都試左- -'

尋日因為鬧鍾無電,所以我連個鬧鍾都開唔到

我自己又無咩記性唔記得買電池

估唔到搞到今朝7點45分先返學

返到學校,58分,差d遲到!嚇死...

返學咁耐無試過遲到咁(雖然最近有次8:01返到學校都俾人計左遲到- -")

但係,遲左又會好快俾人記缺點,始終對自己唔好既....

-------------------------------------------------------------------------------------------------------------------------------------------------------------------------------上一個月,個中文丫sir叫我地買d小說返黎睇,咁我又真係傻傻地咁信以為真

係書店買左一套倚天屠龍記,因為之前有打過底睇過舊版倚天屠龍記

所以睇起上黎d情節都仲係好正,不過因為新版本

劇情方面難免會改變左少少

但而家睇到張無忌玩九陽神功,又自覺越睇越過癮

總係覺得,無可能唔睇呢本書

而最近最令我擔心既事,竟然想開始想拍返拖

不過算啦,以我個樣黎講,有人肯先算啦...

上到黎form4轉左個班

其實大家相處都3個月

班人係唔錯嫁,不過有時玩起上黎就喪左d姐.....

反正都入左黎啦...都要得閒傾下計既

或者我既性格又變左d啦,開始肯同人傾多d

不過仲係同以前作風一樣,講野俾人感覺有d串串地

假如你問我仲有無打機既話我都話你傻左啦....

我唔打就怪啦,反正都係陪同學打機,唔好咩?

始終上到黎form4都要修心養性既

累係累d,不過都起碼有人平常同我吹下水咁

-------------------------------------------------------------------------------------------------------------------------------------------------------------------------------

有時上返去d以前玩過既game入面,其實都唔知做咩事,想玩又唔係唔想玩又唔係

因為而家d野難左喪多,唔溫唔掂

但唔知點解有隻game上返去竟然會掛住一個人

始終我善忘,或者唔記得左佢msn係咩或者佢add過我我唔記得左

呢句送俾佢:你近來好嗎?無咩特別事發生嗎?

或者了解一個人係一件非常容易既事

你總係會覺得,你識得佢耐你就會清楚佢既事

不過.....對於而定既我黎講,我對一個人既認識或者唔夠

佢將自己習以為常既事全部都改變左.....

係o個一刻...我覺得自己對住既係另一個人....

本以為我自己好了解佢....點知....其實係我唔了解佢.....

究竟....改變係唔係一件好既事...?

有意見者請留個cm俾我..

8月10號又要同一個女性朋友同佢既朋友出去玩- -'

講真,其實我真係唔多願意去,一來,佢有兩個朋友認得我

二來,呢個女仔我傷害過佢,佢諗住自殺亦因我而起...

所以我好想去推佢....不過,佢盛意拳拳,我又唔好意思去推

但願當日無任何奇事發生就得- -'

每日係屋企好悶丫......

希望咁多位路過既或者係我朋友既都黎俾d意見等我解下悶- -

我都已經有最少一個月未打過blog

雖然都無咩人黎睇下,但係,blog呢d野....唔打就唔知開黎做咩

(都係唔好咁多廢話講左後感先- -')

-------------------------------------------------------------------------------------------------------------------------------------------------------------------------------

事源係尋晚既時候我又訓唔著,見無無聊聊...所以就係手機到搵左個小說黎睇下

咁岩又開正我早幾日去澳門既時候睇緊既小說:戀空

呢本小說雖然個名好似愛情小說咁

但其實,你睇完既時候,你會發覺,呢本小說,帶既感觸好大

雖然入面既女主角美嘉只係一個普通女仔

但佢深愛一個人:櫻木弘樹

弘樹只係一個學校中既壞學生分子,但美嘉識佢之後明白到佢唔係壞分子

但美嘉亦因弘樹而懷孕....雖然弘樹會照顧佢地...

但可惜一波三折,最終弘樹同美嘉分手

二人分開.....美嘉始終唔想同弘樹分開

由此可見....其實世上戀情都有可能有始有終

每段戀情都應該理得任何人珍惜,就算相戀中有苦有困難,但我們都應該努力面對

唔係就有機會係一段戀情完結後而令自己感到莫大後悔

究竟戀愛是何物?或者各有各人既說法

但應該要為自己嗎?

我以前係一本心理學既書上面睇過,一對戀人既性格會因為相戀後會作出改變

例如係互補性格上既不足,當初我睇到既時候我唔明白,但係而家我已經明白了

-------------------------------------------------------------------------------------------------------------------------------------------------------------------------------

終於都考完左個期末考試啦>.<!

真係散左(雖然覺得考得好差)

對於今次考試黎講,只能用四個字形容:無話可說

點解呢?

唔知係唔係有咁岩,無啦啦殺個豬流感以為有排受點知益左我地

我通識不嬲都只係麻麻地,但係,多謝豬流感唔少,唔洗考@@

搞到我個分有70~ ~(考左的話一定無,miss都話出得勁難- -')

另一個就係,某d卷難到暈~ ~!(例:物理、數學等)

物理真係唔係常人可以做得識,數學就乙部難到想吐血身亡- -'

最後一個,其實係易。以我今日考既科目為例,化學就係某d位難其他係汁分- -'

生物係應該上過幾堂聽過書都識既卷一份。

不過,我最終都係望個english係合格,因為肥左我都唔知點算好

班又唔一定升到,但係留班同踢出校就大機會,今次真係「神仙打救,唔打就上帝難救」啦....

(得閒打下,不喜勿插@@,另講一句,其實我唔鍾意打xanga既blog- -')

其實打機都打左咁耐,

都真係好耐無遇過一個係同我都岩KEY既女仔

呢D唔知叫咩呢?好運?唔係

緣份?都無咩可能

答案,可能一直係我既心入面

但係,呢個謎底會唔會解得開

(希望可以啦)

------------------------------------------------------------------------------------------------------------------------------------------------------

其實真係少左打BLOG,希望唔好介意

呢排無咩打BLOG

只因為呢排要考試

考試,對我黎講,麻煩事一件,我亦好憎麻煩

所以,諗住唔溫習嫁,不過...

最後都係有溫到(俾人強迫性去溫- -')

呢幾日真係人都散左,溫習溫到傻,測驗測到想死

係今日入面從英miss個口中得知英文有唔少人死左

最低得19分- -'!

呢刻自己只係係到諗

19分呢個人,一定係我

好在,考數學都得,只係有d題目唔係做左一半就無做落去咁姐- -'

感情方面?

唔好問啦,死左七八成,無咩望,望佢開心既姐

其實對於我自己黎講

整好一個blog,真係非常困難

打blog我就掂,整好個blog?

咁你不如叫我去死就算啦- -'

睇住d碼,第一刻就係有衝勁,但係下一刻就開始頭暈之後放棄

就算我自己學過都好,就係對於整一個blog無興趣

點解?

對於個blog個感覺雖然唔係唔好,但係對於整理就非常差?

搵一個高人幫手?

叫得邊個丫- -'除左個科大朋友之外我就唔會點識d識整blog整到神手既人

雖然而家唔美觀,但係遲d啦,可能會好睇好多嫁啦

大家等下,應該唔會耐嫁啦

--------------------------------------------------------------------------------------------------------------------

呢幾日入面,問過感情專家,咩人都接近問過哂

唉.....有方法救我咩?

繼續靜觀奇變

其實對於呢個BLOG我都已經唔記得左好耐

一來,我唔係一個好鍾意打blog既人

二來,今日要玩TSA,見到都死得

三來,極度唔鍾意xanga個blog煩

四來自己無手尾,所以呢到都無打到好耐lu

直到今日,上上下網睇返有人個qooza既blog係到就入去睇睇

但係估唔到,人地仲有打

所以導致我返黎呢到。

--------------------------------------------------------------------------------------------------------------------

對於自己感情既感受黎講,呢五日可以講得上生活最辛苦既五日

點解?

一,對於自己鍾意既人話對你無feel,係人都灰左啦,但係我無放棄到

二,發覺自己完全比唔起一個人,自己受既確力更大,再加上無feel呢一句,傷害更加大

三,星期三既時候,因為一件事而郁手,令自己鍾意既人面前去打左一個人,無奈左

四,係尋日既時候諗緊自己有咩比唔上呢個人,成績?名氣?定係搞笑功力?

五,即是今日,發現自己原來對於佢地黎講,我只係一個小角色,好似一個係劇集中既配角一樣,係到做佢地兩個既配襯,係今日呢一刻而言,我不斷係到諗:其實我係到做咩?只係做一個配角,就算我點樣去等到好,呢個都係無可能。我到左今日返到屋企,一直有一個問題想去佢:究竟你係唔係鍾意佢?但係,我唔夠膽,因為,我已經唔想再去俾人傷害一次,再去做一個配角既角色,呢個角色,我已經做夠啦....

人人都玩玩下咁講,其實以你個樣,以你個心智成熟度而言,你可以搵個更好嫁,點解係都唔放棄?雖然人地係玩玩下咁講,但係我心入面都出現左一個答案,因為,我只愛佢一個,雖然,佢個心絕對唔會出現我,但係,佢會出現係我心入面。無可能,是否對的?將無可能變成可能,可以嗎?