很愛過 很痛過 我們為了彼此而活過
您愛我 擁抱著我 卻讓我看不見星空
我們都 沒有錯 沒有誰比較寂寞
我的世界早已經不是以前

戰戰兢兢打呢篇野,心好忐忑,唔知您幾時睇到,又唔知自己諗緊咩..
其實呢番說話,我好想同您講,但我唔知點講,都唔知應該幾時講,都唔知點講出口先冇咁傷害您.
加上您呢排忙緊學業上既野,真係唔敢同您攤牌,好怕影響您做野既心情;

其實呢個問題我諗左好耐,呢排諗得更加多,但絕對唔係因為我番左工而有改變,我同佢唔同.
可能唔需要再放心思響學業,反而會去諗多左我地既關係,.
您話我呢排對您衰左,好對唔住,我已經好努力做番以前咁樣,但我做唔到,有問題響心入面,個人就好唔自然,總覺得好唔舒服.

我覺得已經好累,好想抖抖氣,可能已經太平淡,又有可能係一直都太安穩,慢慢,慢慢我已經平淡到有等於冇既狀況.
可能我一開始放太多感情,但您唔同,您係慢慢俾我.到依家,一個咁怕受傷害,咁冇安全感既人,終於肯毫無保留咁愛我,我應該開心先係,但反而我覺得自己慢慢變淡.
可能係我覺得,用兩年既時間先令到身邊既人咁愛我,我反而已經累.
原來我係差到要用兩年,您先可以放多d感情去愛我.加上一向我地都好平淡,冇咩特別野經歷過發生過,對大家既回憶我可以話悶.

其實老土d講,我地既興趣,性格,就連用時間方法都好唔同,根本唔夾.
我可以包容您好多野,但係反而令自己背負更多重擔.我會不停改變自己去遷就您,我會去做到您所講既體諒同包容.
但係,我就係因為咁樣,變得更多神經質.
依家我連自己係應該嬲定唔嬲都唔識分,我會亂我會炆但唔明自己做咩,好似依家咁樣,好混亂.
其實好多野我唔中意,偏偏因你一句包容體諒,我會硬食,相信您都係咁樣.
依家既我,無論做咩決定,我都會駁自己,總覺得做咩都係錯.依家連我自己本身係咪想做既決定都已經唔識分.
每一句說話,每一個行為,我都要顧慮好多,思緒複雜左,覺得個腦同時轉緊好多野,好辛苦.

咁既然我地明知大家根本夾唔黎,兩年幾以黎相處得好係好表面既事,點解我地唔分開下諗清楚,對方係唔係真係適合自己?
我本身想借您個兩星期既澳門之旅,睇下自己仲識唔識掛住您,定只係一個習慣去諗起您;分清楚我係愛您定唔想傷害您等等既問題.可惜去唔成,冇時間分開下諗清楚.

我自己仲係好混亂,知道您俾人傷害過,我唔想再踩多腳.但係,大家拖拉左兩年幾,係咪應該諗清楚呢?究竟我地之間既問題可唔可以好好解決?甚至我感覺變淡係咪只係我既錯覺?定係,我地真係唔夾?

有心愛您卻愛不到
抱緊了您卻又未想終老
再等到與對方失散以後
就會知　原來誰最好
愛不到至會更想愛
抱緊了您我又無心裝載
我跟您也破不到
男與女之間　愛情的定數

唉.