今日真係好日字,

我中獎了(唔係六合彩,唔好叫我分錢)

我被揀中左做香港先生評判(笑),好期待錄影O個日

係咪有泳褲環節....正~不過我對筋肉男冇興趣~

而且....我重有個好大O既問題....電視城點去嫁???!!!

都未去過,我會盪失路...

不過係7月24日的事,我諗我到時會識路~

今日去左<<強戰世界>>好正,

除左頭幾分鐘同個結局有O的雞之外,

成套戲都冇悶場,真係好有末日FEEL,真係令人好絕望,

人類真係無得反擊,只有不停禁逃走....

而且D外星人對地球人真係好殘暴...好恐怖

入面個細路女演技真係好好,佢完全可以表現到

咩叫恐懼,睇到佢個驚O既表情,令我都覺得好驚...

但係D外星人少左D新意,我覺得似異形+ET (大眼矮版異形)

個結局有D爛,要睇住字幕來解釋,

都唔係D人打贏外星人,係外星人抵唔住地球某D微生物,自己滅亡= =

依度野重要係用段旁白講出來,

今次史匹堡真係玩大左,攪到結尾收唔到科,

不過佢D戲有保證,真係幾好~