爭左爆炸狗一餐飯好耐喇,今日終於冇得再逃避,

唔係我唔想煮野食,但係天氣實在太熱,

重有陽光o既時間唔好叫我出街.....

今日我都整到5點幾先出門口去爆炸狗屋,到左重要買餸

不過成6點幾,街市d野都唔係幾新鮮,尤其係d肉,

出面已經放到乾曬.不過算啦,煮一次o者.

成年冇煮過野食,真係唔知煮咩好,

唯有煮幾樣簡單到唔簡單o既野:

豉椒排骨~~唔使識煮都整到,用鹽,糖&豉油醃好排骨,

再加切碎o既蒜頭&豆豉撈埋拎用蒸...攪掂!

芒果炒牛肉~~牛肉切好,用用鹽,糖,豉油&蠔油醃好,炒到7成熟,

再加mango絲一齊炒渾,又攪掂.

腐乳炒通菜~~最易將d菜洗乾淨搣好,炒到半熟就落腐乳兜渾,

唔夠味加少少鹽,校到啱味~

就係禁一餐普通到暈o既家常菜完成!

爆炸狗,雖然唔知你講真定講假,我真係好多謝你讚我整d野好食^^

p.s.今日在爆炸狗屋企認識左一個日本人,不過偶不敢同佢做朋友,

因為佢雖然幾有禮貌,一見到我就同我握手.不過又後我發現佢d小動作.....嘔

竟然可以當眾伸隻手入褲度"R"....重"R"埋腳趾(雖然有著"勿")~~真係嘔....

所以呢,我希望,佢就算攞左我電話都唔好打來......打來我會扮打錯!!!