今日同尋日一樣,都有d唔舒服,朝早6點幾無啦啦醒左,個人又暈又慶,

搵個溫度計出來度...竟然發燒!原本真係想唔返,但係又要交a/c assignment.唯有敷個冰袋再訓過.

訓到11點再起身,好彩d燒退左,不過個人重迷迷地,o係msn見到tommy 哥online,哎...晨早流流就比人話懶鬼

重唔知點解應承左同佢一齊o係沙田行返學校,原本諗住搭小巴會快d(正常來講係好快).點知我搭第一程小巴,

o個司機姐姐竟然o係中間個站掛住傾電話,攪到我到左新港城轉車o個時走左班小巴,之後個小巴個司機我重火滾,

簡直你現實版<<忘不了>>入面o既張柏芝,開得慢到....比巴士爬頭,重真係好唔熟路禁入錯線,原本15mino既車程

比佢整到25mins都未到,原本我諗住大會堂落車,但又廢事遲到,唯有約tommy o係澀源o既橋上面等,點知個阿姐

慢不突止,重飛埋我站,原本我應該o係泳池門口落,比佢攪到我o係就到大會堂個燈口先有得落車.落車o個時

重見到下班車爬埋佢頭.下次見到依個阿姐,我諗我會搪第班車好過.