今日LQ事件嘈得吵得鬧哄哄,當時人queenie真係好慘,小妹當時話Leo暗戀你係亂up嫁咋,

點知佢地個個都聽者有意....(都你係整定左你比人玩,唔好怪我)依家重有tommy哥加入戰團,

之後o既發展一定好精彩!!!queenie....tommy係好野來嫁!!!

又識煮飯,又識做家務,份人又細心(份人八卦)同佢一齊絕對可以蹺起手印印腳等佢服侍...

不如兩個都要曬,加埋你原本o個個岩岩夠開檯打牌!

放左學我一番到屋企就重新裝過個window,我係完全唔識點裝,

今次真係特別嗚謝白兔仔用要話教授安裝方法,多得得你禁有耐性(比我遇到d人禁蠢,我實頂唔順)

我先成功裝到!不過依家雖然裝番個window,不過好多野都用唔到~

點解幫我砌機個fd唔比埋d碟我 ,攪到最終都係要搵佢救命.

我樓下o既治安真係愈來愈差,夜晚我食完飯,大約9點幾左右,我一個人行返屋企o個時,

無啦啦有個男人o係我後面講左句:"正呀..."我擰轉面望一望佢,發現o個個人個幾月前搔擾過我,

我即刻急步繼續行啦,點知比o個個人發現左我望佢,佢竟然跟住我...

重一路行一路講左好多III級野好多粗口,o個時我勁驚,萬一比佢知左我住邊咪幣!

我唯有行左苟比較多人o既百佳諗住佢唔會跟入來,點知佢初初o係百佳出面望下望下,

之後又行埋入來,今日同我比較熟o既堅堅哥哥同亨亨哥哥(百佳職員),我重驚佢一路跟住我,

好彩比我撞到百佳身高193 o既大舊哥哥(其實佢細過我),

o個個人見到我同大舊哥哥講野已經嚇到擰轉身想走,我同左大舊哥哥講左比人跟,大舊哥哥行出去

想睇下o個個係邊個o個時佢d步速已經唔係"行",已經可以叫係"跑"(其實都真係幾滑稽),

再隔左一陣,o係大舊哥哥一再保證o個個人已經走左我先敢返屋企.行到屋企樓下終於忍唔住

蹲左o係條柱後面喊左出來,我o個時真係好想打比kenneth,但又覺得自己冇資格麻煩佢,又

好怕佢會講句你死你賤就cut左我電話.o個時覺得自己好無助唔知點算,

又唔敢打比d fd怕嚇親佢地(因為我重喊緊驚佢地以為我比人非禮).

結果都係等自己忍到唔流眼淚先返上樓.