尋日終於走左去整頭,我個頭真係好耐未整過,

不過又拖完再拖,一整就整幾個鐘,要做好心理準備呢.

原本有諗過電嫁,但係我問左好多fd都話我電左之後個大頭會更加,

所以都係放棄,又係整負離子.....(年年都係)

不過今次都整得幾開心,因為今日係星期一,而且我又身痕差唔多5點先去整,

完全係阻人收工,所以佢地都係超極速3個鐘做左:

焗油+負離子+color.....(神乎奇技!)

佢地禁快唔係因為佢地求其,係因為同時兩個人攪緊我個頭,

佢地兩個完全係最佳拍擋(雖然不停地疾來疾去,重有打交蹟像....)

不過真係好好笑.....佢地個名係franky 同maggie

沖頭o個時,

我:"點解你地兩個一齊沖水o既?"

F & M:"快丫嘛....!!"

我:"但係你地兩個水喉一邊凍一邊熱呀...."(無言)

夾緊頭o個時:

F & M(互相):"彈開啦,阻住曬,夾到你唔關我事."

我:"你地兩個睇住我個頭呀...><)

M:"再嘈我夾埋你d眼睫毛!"(寒...)

揸負離子part 2o既時候:

M:"用掃揸禁慢....."(開始用手係禁R我個頭,重要係大量O既part2 撻上來,

F又跟埋佢用手)....

(揸完之後)兩個:"好"拿"呀...."(9秒9衝左去洗手)

以上事件只係部份,佢地好攪笑野重有好多,

不過小妹打字太慢,冇心機打出來,

不過佢地最有良心O個句係:"好彩係幫個後生女整....如果老D我地死梗"

我唯有答:"好彩我後生,過多幾廿年後,我一定整完即刻去打小人!"

每年我最怕o既日子係父親節,同我老生日,

因為我根本唔知點面對佢,

要我扮孝順禁同佢慶祝我真係做唔出,

要我stay o係屋企忌佢同人講電話成機單打我不孝我又好唔願,

或者今日唔比佢見到我依個頂心頂肺o既不孝女已經係最孝順做法,

所以我尋晚已經o係油麻地度訓,今日放左工之後就去左睇戲,

一路攪到差唔多11點先返到屋企,

唔好問我點解禁對我老豆,不如知下佢點解令我禁對佢,

細個d野真係唔想提,總知佢令我覺得我唔係佢親生o既,

如果果時有人報警,佢唔知因為虐兒而坐唔知幾年監.

我都好羨慕人地有得同父親慶祝,不過試問一對成年都講唔到十句野o既父女,

可唔可以o係父親節o個日忽然父慈女孝....答案係梗係唔得!

過左今日,可能佢會更加憎我,又唔知同人申我點衰,

不過唔緊要,我聽唔到!

今日下晝我o係mk食緊野o既時候bon bon打來話kenneth會上佢o係mk屋企,

o個時我心惰真係好複雜,如果我上埋去o既話,我咪可以再見到佢,

但再見佢又點,愈見多佢一次就愈遲先放得低,我唯有推話我唔得閒,

其實我今日出來只係去油麻地間屋度執下野,sorry bon bon我下次一定陪你

油麻地間屋真係有好多回憶,上到去真係覺得好唏噓.

我租依間屋(好細的套房)其實只係諗住o係我同阿爸吵大鑊o既時候有一個避難所,

不過我都唔係好敢一個人上去訓,真真正正得自己一個人上去訓,

都怕係得一兩晚,我上去訓o既時候都係有kenneth陪我,

間屋其實咩都冇,我地上去都只不過係食下野睇下電視瞓下覺,

但係攬住kenneth送比我o既公仔(重有bon bon的爆炸狗)挨住kenneth睇電視真係好sweet,

而且一朝早瞓醒就見到佢,起身望住佢瞓覺o既樣感覺真係好好.

o個時真係好有第日同佢結婚o既衝動,

以前拍拖就算幾親蜜都好,我都唔會諗到結婚依回事,

o個時o既我真係好愛佢,不過算啦,我知我下一個會更加好.

不過我又好後悔做左一件傻事,

bon bon打完比我話kenneth會上佢屋企冇幾耐佢又打多次來話kennet唔來了,

佢同fd o係新世紀制街買緊朱古力.....我聽完就一路係度諗佢同緊邊個一齊,

買朱古力....禁咪好大機會係女仔,我又唔知點解會愈諗愈難過,

竟然會忍唔住打比佢,重問佢同男仔fd定女仔fd一齊......

當然....後來梗係唔知答案就收左線啦.

冇幾耐bifi打來,原來kenneth係同梗佢一齊,

佢話kenneth怕我亂諗野所以叫佢打比我,其實佢地只係一齊出來搵工

雖然我唔知究竟真係kenneth叫,定佢自己打來解釋.

如果真係kenneth叫o既話,真係好多謝佢,

其實佢鍾意同邊個出制都係佢o既自己,

我做佢女朋友o個時都唔應該管,更何況分左手.

我知,我o個頭話要放低一後感情,

但又成日打比佢真係好唔應該,

繼續係禁成日掛住佢,我知我會永遠!!!!!!放唔低,

再見喇kenneth,我會逼自己唔會成日諗起你,

唔會再冇事就借d二打比你.

o係9月開學之前,我會令自己完完全全唔再鍾意你!

考完試但係咩節目都冇,

今日o係屋企打機睇日劇&執房,下晝去左覆診.

今次個姑娘冇上次禁黑口黑面,不過就目無表情

好彩唔使再覆診,唔使見到佢!

個人真係好悶,但又唔想講野,今日爆炸狗打來我都冷冷淡淡禁,

冇幾耐就收左線(sorry呀,我唔想今日真係唔想開口講野呀....><)

其實爆炸細佬同我都一樣,都係單戀緊一個人,

不過分別係得到過,同從未得到過,

爆炸狗,你話你羨慕我至少擁有過,但我更羨慕你從未擁有過,

至少你和她還有未來,就算依家幾辛苦都總有希望,

但分左手就好難返轉頭,返到轉頭但心入面總有條刺,

佢曾經同我講過:"我唔鍾意你你又同番你一齊,你都唔會開心啦."

佢已經對我冇曬feel,而且我已經比唔到新鮮感佢,

要另佢再鍾意我o既機會渺汒,我只有寄望將來,冇得回頭.

雖然我明白依一點,但我重係放唔低,可能近排發生左d野令我懦弱,

我依兩日都忍唔住打左比佢,有時我真係想問佢同梗咩人一齊,

但唔敢問出口,我依家係佢邊個o者,根本冇資格問,

其實我真係好怕,萬一佢有新對象我真係會唔知點算,

依家只要諗下佢可能同梗其他女仔一齊出街我己經唔開心幾個鐘,

到時我真係唔敢想像,我真係好恨自己禁冇用.

以前分左手就可以當冇事發生o既我去左邊?

我好唔明點解我會禁鍾意佢,我以前拍拖從來冇打算過將來,

同佢一齊有陣時我反而會有搵到歸宿o既感覺,雖然我都唔敢諗到結婚禁長遠,

但我真係前所未有禁投入,禁認真.我真係好珍惜佢,可惜我愈珍惜就愈避忌,

對佢好多時有野都唔敢講,又怕做左d咩令佢唔高興,反而令我冇以前拍拖o個種輕鬆

又令佢對我覺得吃力,禁樣反而散得更加快.事到如今,咩都返唔到轉頭.

今次exam我真係前所未有禁懶~

溫左好似冇溫過禁.....好彩有溫過d assignment雖然bal唔到d數,

但我諗我都記得d format,搬字過紙,

原本exam應該好開心的,但竟然黃雨打到來,

冇得去玩,結果我係返屋企打機打到依家....

不過隻game真係幾好玩,不自量力地越級挑戰,

真係打埋d exp都唔夠死,全隊o係地下城全軍覆沒,屎曬.哈哈~

以下人士是copy自sue的diary:

J 小姐的行為真的很恐怖．．．

１）挖鼻孔．．．並把「髒物」弄到桌上

２）當眾"R" 腋下．．．

３）食物留在牙縫中．．．沒有清除

４）常說有男生追求她

５）說話時，常常陰聲細氣．．．（所以我好多時都聽不到她在講什麼）

６）經常「哂命」∼　ｅ．ｇ：成績、家境富裕等。

前幾天，我和阿媚認識了樓上的一位男同事，我們一向都稱他為「撒亞人」的，今日我到茶水間恰巧遇見他，他跟我打招呼喔∼ Joanne 知道後∼　不斷問我此男生的東西，看來 J小姐 對撒亞人有點意思．．．哈。撒亞人，我．．．在此祝福你。〔汗〕

原來撒亞人o係度等緊哨牙仔woo~  佢一見到我o地就問：「你o地成日講o個個j小姐係唔係著住粉紅格仔 t-shirt,頭髮蓬鬆o個個呀!?」我o地話：「係呀!!!! 你點知ga?! 你未見過佢ga woo!!~」之後,撒亞人已經面色一沉.......連未見過佢gei人都一眼就知.......佢都未免太特別喇..........(汗")之後,當我同撒亞人講：「其實joanne佢睇中o左你~~你要小心d!」佢即刻勁激動咁話：「我以後都唔會落去你o地o個層呀!!!!!!!!!!!! 唔好咁啦....唔好迫我辭o左份工!!!!!!!!」

恐怖

 她該是L君的絕配!