一大早收到阿米的電話,原來她的境況和我相差無幾,都係覺得2005好過2006,因最fd ga朋友都係今年拍晒拖,大家都變咗孤兒女!

還有的是,她現在所經歷的事,正是我今年頭三個月所經歷的事,真怕她會步我後塵,兩者都死要面子,感情就變了無疾而終....

我得唔到幸福,都想身邊的朋友得到ka,雖然我知他們有了另一半之後就會開始玩失蹤,但都預咗架la~

不過講真香港d男仔極之被動,踢一踢先郁一郁,要佢哋做主動簡直好似攞佢哋命咁....都唔知點搞.....

男女性格完全亂晒,男的一點男子氣慨也没有,反而仲婆媽過d女人,見到呢d咁ga男仔真係煩....真係唔掂!

晚上同舊同學BBQ,係小欖,第二次去~一行六人,jackie+jenny+fanny+阿but+詩~

談起以前讀書的事,有些已遺忘了,不過被他們一說又勾起了點點回憶,搞笑~

喜歡去舊同學聚會,因為大家一定會講返以前ga事,特別係一d 趣怪野同埋頑皮ga野~

哈~他們真是狗咬狗骨,要鬥嘴才安樂ka~佢哋ga溝通方式就係咁,唔識佢哋ga人真係以為佢哋唔妥∼

但因為六個女仔加炭都雞手鴨腳,隔離枱個班"飛"仔可能睇唔過眼都要出手幫我哋撥火,仲要逐個逐個幫,幫完一次又一次~真有風度~

其實自己都留意咗好耐,雖然"飛"仔係被人一種生人勿近的感覺,但其實有時他們還會被其他外表上斯文的人還要好同有風度,可能本質唔壞,只是有年青人的反叛罷了!!

仲有今晚月光又靚又圓,仲有幾粒星星陪襯tim~

係個到仲同一大班人倒數，氣氛當然無時代廣埸咁好la∼不過今次係燒烤塲倒數，都係第一次∼

迎接2007，要踢走所有衰氣！！

2006年正式結束！