| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2006 年 10 月 7 日 星期六  |
| 2006-10-07 |
分類: 未分類 |
一大清早同君君+suki去唱k,獨欠shirley,心淡.....還以為没有生日蛋糕,但...哈~原來係有架~只是遲咗入嚟啫~
喜歡收到生日蛋糕ar~我好重視架~可能由細到大都好少收到cake啦~上年係第一次亦都是最多的一次，三個蛋糕ar~勁開心!!
不過今年只有一個,其實一直以來都好想屋企人為我慶祝生日,但一直也没有,所以有時生日無節目也不想回家!!!因明知無人重視自己.....
說真的....我不覺得自己過了生日...像平時的日子,無甚特別~況且無咩驚喜,最重要是我重視的人竟然忘記我的生日又或是漠視我....
就這樣過了我的22歲生日,真係唔抵!!!由上年的95分跌到今年的五十分,相差太遠!!!
 
*suki+君君買比我ga birthday cake* *香檳*
 
之後下午同小吉去cafe 食野~佢都知我近排不太開心,因為...都係個件事!!!
到夜晚又同另一班fd去九龍公園睇花燈,原來都不是太靚啫~都幾悶tim,不過都影咗相ga~
 
 𨳍
 
|
| 2006 年 10 月 6 日 星期五 |
| 22 |
分類: 未分類 |
踏正十二點.....22歲喇......没有人對我講生日快樂....sms也没有,如我所料,今年的生日的確令人失望!!!
特別是....我最鍾意的人和朋友也没有一句表示!!!
原以為中秋+生日在同一日會更加有氣氛,但原來不是的,重要是周圍的人有否記得今日.......
但很多也忘記了,而且更令我知道彼此的關係真的完了,還有想過今年可同某人一齊過,但原來這些都是自己虛構出來的!!!!明知無可能,但又總是欺騙自己....
去到屯門,變化好大呢~還是喜歡以前的模樣,很久也有坐過輕鉄喇,感覺奇怪,既親切但又陌生!!
之後同阿米+liz+trista等去了黃金海岸玩~前一晚仲同米嗌交tim,但昨日大家都坦白講d問題，所以都好快無事lu~
第一次有她陪我過生日,相識數十年了,但大家可能各有各忙,所以其實也很少見面.....
唱了生日歌,米送了一個四葉草心口針比我,我會好好keep住架喇∼
等到十二點仍未收到你的祝賀.....唉....失望.....
p.s.黎到呢到.....唔好以為故事完咗....當十年之後諗返起呢件事,個心都會隠隠作痛,後悔當初點解無好好把握機會,將自己的幸福斷 送......故事會完...但記憶係唔會完架....(節錄方力申係無雙譜ga劇場版)
每次聽到呢句對白,心真係會隠隠作痛,佢講得好啱,機會已經没有了,但記憶依然還在,我深信自己會對此事念念不忘,最遺憾的一次....愛得太遲....
 
*在輕鉄內的自拍照*
 
*總喜歡傳統的燈籠,很有古典味ar~詩情畫意*
 
*靚靚ga螢火球* *Liz砌出來的心形,佢係呢方都幾有天份架~*
 
*好似一幅抽象ga圖畫,凌亂美ar~*
 
 
*米送比我ga四葉草心口針* *紋係我腳上的蝴蝶,好多人都話迫真,以為我真係紋咗,傁啦~
我怎會呢~我只是一時貪玩啫!!夠型同潮ma~
|
| 2006 年 10 月 5 日 星期四 |
| 生日的前夕 |
分類: 未分類 |
返到公司,心情依然煩躁,電話響個不停,真想發脾氣!!!其實都不自覺咁表現出來,對著聽筒死死下的聲線,唔想講野又要迫住講...
最差勁的是今日特別多白撞ga電話,不是講IDD便是sale文具!!!同佢哋講唔需要就即刻cut線,搞到我都火埋!!!
忙碌的過了一日,夜晚練琴,心情好了很多呢~可能開始接受現實啦,都不會再對他們有任何期望,有時無期望還好呢,至少不會失望!!
呀....近來好想睇到流星,最好緊係流星雨la~覺得好靚,總覺得人生至少要睇到一次!!咁就真係死而無憾喇~
p.s.唔知今年有無人踏正十二點同我講生日快樂呢?但好肯定ga係今年第一個同我講ga唔係上年個個low~
|
| 2006 年 10 月 4 日 星期三 |
| 2006-10-04 |
分類: 未分類 |
不開心....個個都忘記了我的生日....
還以為可以玩一餐,但他們没有提過半點,有些雖則記得,但又無時間同我慶祝,一點誠意也没有,覺得不太不尊重....
所以心情勁差,唔想出聲呀!!!恨透你們!!!
|
| 2006 年 10 月 2 日 星期一 |
| 2006-10-02 |
分類: 未分類 |
同小吉去了旺角唱K,哈~同佢唱K好有feel 架~
之後行街,又要join埋佢男友,唉~每對情侶都是這様的,一日不見真的彷似如隔三秋~尷尬...變咗三人行....無奈!!!
算!!!其實每次也是這樣的!!!之後買了一條"k"字的頸鍊,代表我自己ga~
不過原來佢真的忘記了,忘記了我的生日,不過都不是第一次!!!!都係無奈!!!!
|
| 2006 年 10 月 1 日 星期日 |
| 藍莓芝士蛋糕 |
分類: 未分類 |
今日去了葵芳拎月餅+買材料...好重呀~真係重死人呀!!!
回家後立即整藍莓芝士蛋糕,今次用焗爐焗完後,仲要雪凍佢!!
又再一次證明這焗爐是有問題,外表已有少少燶,好似萄tak咁~但內裏又未夠熟,所以仲要雪,就讓它雪一整晚吧~
|
| 2006 年 9 月 30 日 星期六 |
| 2006-09-30 |
分類: 未分類 |
不願意的起床....疲倦的回到公司......
有很多文件要打,還有其他的雜務.......就這樣忙了半天....其他東西留待星期二才做吧~
下班後回家睡覺....
|
| 2006 年 9 月 29 日 星期五 |
| 做咗灰姑娘ar~ |
分類: 未分類 |
今日出貨,我同jessie第一次一起負責,極度混亂,其實本應唔會咁亂,但因為大家做事的作風都不同,所以搞到成件事都亂晒....
又再一次煩.....我覺得我哋兩個都唔知自己做緊咩low.....
還有今日架車好晏先走,我們唯有等....八點....九點...十點....去到十二點才到.....
其實一向都不用等,但老闆話要,無可奈何...我覺得没有這必要的,但老闆開金口,我們當然要照做啦~
不過在等的時間都没有浪費,不斷的打文件,幾個小時就這樣過去了,抬頭一看才驚覺已十點半了....但車還未到.....
我都估計到要等到十二點.....都要做灰姑娘~未試過咁夜收工,對上個次都係十點幾啫,仲要係兩年前wor....
所以同jessie沖杯麵食,仲食咗好多野,係雪櫃揾到tea食剩ga雞串+燒賣,仲有老闆買的冰皮月餅,我們好似開餐咁~
這些食物就係呢個時候發揮好大作用,至少給我們支持∼踏正十二點鍾.....車真的到了....
完成所有工作後,運輸哥哥andy送我們去沙田搭車,佢哋都算係咁啦,至少有風度~我們没有要求,他們自己都主動話送我哋~
其實同阿怪熟d,可以叫佢送我哋返屋企,但因為係andy送我哋,所以就唔好意思lu~
今晚就真係做咗灰姑娘,只係無南瓜車啫~謢花使者都無ar~(哈~)
但真係好疲倦,明天還要上班呢!!真想請假,但實在有太多文件要做~總是比公事纏繞著.....
|
| 2006 年 9 月 26 日 星期二 |
| 內疚 |
分類: 未分類 |
今日上班....不太開心....
第一 :開了一個不應該開的玩笑,當事人一定不開心....
初時還不知道是這麼大的一件事,所以對於自己的失言有點內疚.....
對他...亦有種可憐的感覺....真想sent sms給他...但....自己又做唔出...感覺奇怪!!
第二: 知道同事要走,唔知點解有種唔捨得ga感覺,平時我不喜歡她!!!但唔知呢,一知道佢今日last day,又好似好唔慣咁~
而且佢近來對我的態度好了,真是矛盾!!!佢臨走還送了一個電話座+三眼仔電話繩比我~都幾cute 吖~
其實自己都要多謝佢ga,因為係人生中其實遇到d咩人都應該要識得多謝對方，因對方會令你成長、反思等，而佢就係其中一個!!
不過我一向也不善於表達自己,總是覺得好肉麻,所以正如shirley咁講我都係愛在心底裡ga~但真正睇到ga人就唔多囉，大部人只會睇表面！！
 
＊淩亂的工作枱，習慣晒lu,太整齊反而不自在!!* *向左走向右走ga 杯(女仔用ga),男仔個隻還未有著落!!*
|
| 2006 年 9 月 25 日 星期一 |
| 覆診 |
分類: 未分類 |
今日上午請假去覆診,有爸爸陪我去~等了很久...很久....
醫生在我手上打了一枝針想抽點東西化驗,但没有抽到甚麼出來,所以並不是如期中的關節炎瘤,是不知名的東西,所以最好要做手術....
下年年頭便要做手術,諗起都驚呀~比醫生針了一下,事後有點痛呢!!! 還腫了!!!郁動都有問題呀!!
之後返公司做餘下的工作,正因為上午請假的關係,所以今天七點幾才下班,不過間中一次就不要緊啦~
|
« | 116 | 117 | 118 | 119 | 120 | 121 | 122 | 123 | 124 | 125 | ... | 139 | »
|
