|
今日係休息日, 但係爸B公六點幾就出門返工Lu, 佢出門口我都唔知,
但係佢話佢有同我講話出門喎, 而且我有應到佢, 但係我一啲印象都無,
可想而知我係幾好瞓呢!!!
最攪笑就係我瞓到九點幾果陣, 突然聽到有人開門喎, 嚇死我呀,
無理由會有人開到門架嘛~  睇真啲原來係爸B公返咗嚟,
佢記錯咗以為今日要返工, 返到公司先知其實今日係放假喎, 哈哈......
正一係大傻瓜 !!!!
笑咗佢一輪之後我就繼續瞓覺, 瞓到十二點幾我就同爸B公出咗屯門行街,
我最鍾意就係去吉之島嘅超市試食架嘞, 食完之後又唔買, 哈哈, 幾醒 !!!
本來我哋唸住夜晚去田中食壽司, 但係醒起今日係星期一田中休息,
最後就決定買嘢返屋企打邊爐, 當然又係我洗碗啦....... 
聽朝要返早Lu, 仲要出北場tim, 唉~ 又要悶一日, 真慘 !! 
|
2008 年 2 月 25 日 星期一 
爸B公係傻瓜 
