|
今晚收到關欣嘅電話(啫係我個妹), 佢話今日晏晝妹豬個亞哥喺屋企玩自殺,
吓~ 有無攪錯呀, 咩事先, 又攪埋啲咁嘅嘢 !!! 
話說係中午果陣, 男主角send信息比佢啲friend, 內容大致係話自己要去死啦!!........我唸~
佢啲friend收到之後覺得唔對路, 立刻揾男主角嘅媽咪 (May姐), 但係May姐喺九龍返工返唔切嚟,
所以就即刻打比我亞媽, 叫佢過去佢屋企睇吓發生咩事.....
亞媽收到order之後就拿拿聲走去佢屋企開門入去, 開門果吓已經嗅到啲燒炭味,
但係就唔見男主角喺個廳到, 原來佢鎖咗自己喺佢同妹豬間房入面,
亞媽嗌極佢都唔開門, 咁咪一腳踢開對門囉 (嘩 !! 幾勁, 似我呀 ~) 
門開之後就見男主角喺張床到昏迷咗, 側邊有啲燒緊嘅炭, 我亞媽二話不說就係咁踢亞男主角,
好快佢就醒返 (咁踢法, 唔死都一身散), 醒咗之後就係咁喺到喊, 都唔知佢喊咩????
然之後白車就送咗佢去醫院Lu.......
我聽到呢件事之後, 我就打比亞媽唸住安慰吓佢, 等佢唔駛咁驚啦,
點知佢不但止唔驚, 仲話係白車走咗之後, 佢就同大佬落去樓下飲下午茶tim.....
你哋話我媽係咪好勁呢, 真係有我嘅遺傳呀, 哈哈哈哈哈哈............
|
2008 年 3 月 3 日 星期一 
亞媽, 你係得嘅~ 
