之前同珍妮C討論話"細水長情"同"激情過後"既問題

我同佢都係想要"細水長流"既感情囉 因為我地想要長久既關係多過一段好刺激但好短暫既關係

諗起我同虎虎根本都冇激情過 我地一拍拖都已經冇話要成日見同成日講電話

日子過下一年過下又一年 由我十幾歲同佢一齊到而家已經係一個"年近三十"既OL了

不過我真係好鍾意"細水長流"同"十分被對方了解"既感覺架，例如：

同佢一齊睇鞋，佢可以好熟悉咁問個sales姐姐有冇8號鞋俾我試

同佢一齊行超市，佢可以好自然咁拎我喜歡(直情係必食既零食)入購物車到

無啦啦佢可以拎出一d小玩具俾我玩 (雖然係好幼稚既小玩具/扭旦，但係我可以玩得好開心)

佢可以記得哂我d同事/朋友/同學既咩名，仲可以記到佢地既喜好。最記得一次同安安去韓國旅行，虎虎幫我買左d冷帽ear muff同手套，佢每樣野都買左兩套，原來佢買埋俾安安。佢對我朋友/家人都好照顧，呢點令我覺得佢真係好難得。

同佢一齊行街買衫，一入衫舖佢可以好快叫我走，因為佢知道d衫唔岩我

明知我有時扮傻唔想食飯，佢可以知道我果陣最想要d咩去"乙水"我食野

好多好多野我都覺得要經過長時既了解先可以做到，所以"細水長流"既感覺真係好好

珍妮C，係我時運高撞到虎虎姐，你好快都會搵到一個真命天子既

信我

雖然我平時成日昆你 不過今次一定冇!!!!!!!