今日上forum睇左個thread

內容係話一個有左五個月身孕既女人 佢老公o係呢個時候同公司一個clerk攪上左(個賤女人o係舊公司有前科俾人炒左 因為人地個老婆嘈到要攬埋個仔一齊死)

仲要晚晚唔返屋企 個女人打電話俾果個賤女人講佢已經有左五個月叫佢唔好纏住佢老公

個賤女人居然話"你而家粗身大細都做唔到架啦 等我幫下你老公啦"

好喇 故事就係咁 個女人就post個thread去問人點算啦

有d意見好中肯好岩聽 如"牛唔飲水唔咁得牛頭低 唔好怪哂個女人 最好就兩公婆冷靜d傾下"果類啦

不過有一個reply我睇完即爆粗 就係有人叫個女人"一屍兩命去報復 同埋個遺書要寫埋個賤女人個名"

shit 痴線架 大肚婆情緒好唔穩定架嘛 話唔埋佢會聽埋呢d野去做傻事囉

呢個時間唔去安慰人仲要叫人去死 都癲既!!!!!!

我唔知個女人可唔可以捱過呢個時艱  不過我希望佢可以

如果老公浪子回頭而家你又肯原諒佢信任佢 咪俾次機會佢囉 (睇個未出世既bb份上)

but你心理關口過唔到 / 你老公仲係死性不改 咁你要更加堅強捱過去

到時你抱著個好可愛既bb時候就唔會再計較呢個衰人既野架喇

因為十年廿年後呢個bb長大成人既時候會識得照顧你愛護你

而呢個男人一定會後悔 因為佢咩都冇 冇左個老婆冇左個會叫自己爸爸既孩子 仲係自己親手拆散左個幸福家庭

呢d報應係好準時到架!!!!!!

哼 男人這東西!!!!!