買左虎虎最鐘意既太陽獅子 

就出左荔枝角搵珍妮C大鬧香工了

我之前同過CANCAN去過香工一次 我仲以為我會記得點去 所以就老點左珍妮C白行左一小段路喇

雖然之前收到西九龍飛機王既電話話唔識路可以打俾佢 不過迷路呢家野實在太瘀了

我都係自己模掂佢算了 好彩珍妮最後都發揮左佢既記路小宇宙 我地都終於可以到達目的地了

一入到香工 俾我想像中少好多人 我地可以唔太逼咁慢慢行

可能我之前買得太多野了 所以都冇咩點入貨

珍妮C就好勁咁用$220就掃左三對鞋返屋企了 行左一個下午食完個TEA就返屋企了

坐上小巴返觀塘 途經我以前工作既地方 我真的好懷念以前既同事 呢個地方真係有好多回憶俾到我

返到觀塘行左一陣就收到虎虎既追魂CALL

去左APM見到NAUTICA REMOVAL SALES 虎虎雙眼就發哂光了

唔知點解佢真係好鐘意呢個BRAND 又話呢個BRAND平時好貴喎

而家三折 買四件再有八折 OK FINE 咪入去陪佢死過囉

頂 D師奶搶衫功夫簡直一流 我呢D中環OL都只可以即刻投降了

眼見虎虎愈睇愈起勁 我只好乖乖咁"做佢背後既女人"

最後佢都好開心咁拎左一大袋戰利品返屋企呢 HOHOHOH

今日又過得好充實了 YEAH!!!