今日成日都好感動..可能係我流得淚最多ge一日

首先在今日敬拜讚美ge時候,我已經連續哭左幾首歌...

被歌詞所觸動,亦被神的愛去感動~

主日播video時,睇到果d西人見證,淚又緩緩落下~~

見到呢d未信主ge人,真係覺得佢地係好需要神,

一句智慧知識ge言語,按照神所做ge一個動作,

都可以令到一個迷失ge靈魂去得救,而令佢地完全ge改變!

所以我都要去做好,去做一個好ge榜樣..

我唔要做一個只係食果子ge人,我唔要..我要去幫人!

可能我仲有瑕疵,仲有好多未改ge缺點...

但係我願意去改,去為神去改!

我知神等緊我去改,去更新.

神啊,我願意!袮等我!我會好快,你記住等我!

今日真係好比d詩歌觸摸到,

到最後唱"今我願靠近神",

今我願靠近神

今我願靠近神，放下愁懷悲憤，晝與夜我只想親近神。 不理會屬世吸引，竭力行全主公允，要實行我主典章教訓。 盼共你結伴行，縱孤單無旁人，風波的旅途也歡欣。 仰望你，向着前行，內心驚喜振奮，日夜願隨你腳印。

又忍唔住淌下女兒淚~

人生在世唔通只係比你去經歷"生老病死"?!

我相信人都唔會禁無謂,

何況呢個愛我地,錫我地,希望我地可以得到一切美好ge野的神?

今次傳福音係我一個信仰的轉捩點,

改變了我對傳福音ge睇法,

可能過往都會較著重有幾多人信主,有幾多人去到恩賜運作...

但係今日真係唔同左,

神令我有一個愛靈魂ge心,

帶人信主固然重要,

但更重要ge係:

我地為左咩去做?為左榮耀自己?比人睇到你有幾叻?

定係我地係為左神,去榮神益人呢?

動機係最重要,無論咩事情都係.

我希望神ge話能夠永遠放在我ge心,唔好去變質~

只會進步,唔會去退倒!

去到天耀之後,就開始傳福音啦!

開頭..我地同兩個婆婆去傳,

我特別想講ge係後一個婆婆..

起先,見佢跪左天橋下行乞,

有鼓ge感動同佢傳福音...

過去就算我想同呢類型ge人傳,

但好少真係會落實行動~

但感謝神,今日我就去嘗試...

我同zoe買左包同水比佢,跟住就坐下同佢傾下計..

個婆婆黎左香港十幾日倒,黎搵佢ge仔,

但佢唔見左個地址,只是知在天水圍..

你地知啦..天水圍雖然唔大,但亦都唔細..

茫茫人海..可以去邊度搵?

後來傾談下,先知佢鄉下有個仔,係好高ge地方跌落黎,

先做完手術,休息緊~

佢真係好需要神去幫佢,去指引佢生命ge道路~

雖最後佢并冇決志,但我地都幫佢作左個祝福禱告,希望神去幫佢~

如果佢真係搵到佢ge仔,禁無可否認,呢個一定係神蹟!

我地講ge屬神的話語都會澆灌在她心中,改變佢ge!amen!!

我地組今次帶左兩個女仔去恩賜運作,有一個信左主~

本身只係一個答應,但另一個在身邊聽,但後來另一個都恩賜運作埋^^~

傳福音中,我個人認為:

結果,過程都唔係話唔重要,

但我地在當中學到ge功課,改變到ge野,先係神最想我去學ge~

番到home,睇<神奇異恩典>,

止不住的淚水簌簌而下,哭得都幾利害嫁(好耐未試過啦)..

http://www.ziondaily.com/chi/truth/article_view.php?rec=2543

好好ge一個見證.

下次就出able個見證啦,好想睇啊!!

其實識得我耐ge人,就會知道,我并唔係一個感性ge人,

亦都唔易流淚,所以果時即使我已番教會一段時間,

都冇咩特別受感.

但係,依家的我唔同左,而且我相信會愈黎愈唔同ge!!

p.s:我諗呢日ge日記係我打得最長ge一段啦~