| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 7 月 29 日 星期六  |
學琴  |
分類: 未分類 |
今日係最遲起身ge一日...
起身玩左一陣電腦就出去搜購糧食啦..
今晚食左好好味ge壽司,好好味ge章魚園&椰汁西米露...
好野,錄帶base下星期就正常運作啦,
我又有得幫手啦^^
跟住就去左柏柏home學琴啦...
百倍祝福柏柏耐心ge教學...
我要比心機啊..我要用琴來讚美神~
我要多d宣告先得...
我會彈得好好ge!
好快學識ge!!
學得好好ge!!
有人撒種部琴比我ge!!
amen!!
|
| 2006 年 7 月 26 日 星期三 |
| 2006-07-26 |
分類: 未分類 |
尋日已經好早訓嫁啦,but今朝見到房入面個鐘3點幾,
跟住諗:不是吧,我禁訓得?
原來我個鐘壞左(睇番出面ge鐘先知咋)...好彩組~
据說我下年果班only6個男仔,禁下年咪係女生天下?!
幸好呢班d女仔都算文靜果類姐(當然包括我啦),
if唔係咪有排佢地受?
不過讀文科ge男仔向來好小..呵..呵..
嘉美佢在大陸買左隻DOG DOG,
今日丁左...
唉..先買左幾日..而且買左$100~
真係好Sin,仲說明左大陸d野係信唔過嫁!!
好啦..我為牠默哀3秒鐘啦~
|
| 除祂以外，找不到 |
分類: 未分類 |
| |
|
| |
|
|
|
 在記憶中，我是在升中二暑假時被人在銀座傳福音而信主的。當時的我只是敷衍、是沒所謂，只想快快說完、快快的走。在當中，我從來沒花一點認真的情緒。她們說了一大篇關於幸福、甚麼的東西，然後我敷衍的決志信主，再把自己的電話給了那位陌生的姐姐，便走了。心內想：「終於逃脫了！」
奇怪的是那位陌生的姐姐隔了幾天真的會打電話來與我傾談。當然，那時的我只感到一個「煩」字。左耳入、右耳出，「無心裝載」。那位姐姐被我拒絕了赴會很多次；就算我不好意思再拒絕下而答應她，最後卻「放她飛機」。然而這種情況已不只發生一次了，但她仍然堅持與我保持聯絡。當然，我也有不接她電話的時候，同樣地她仍然堅持繼續打這個無人接的電話。有時，迫於無奈地接了只會敷衍她幾句，因為當時我對基督教不存好感。那時，我認為基督教只是心靈寄托，只有無聊的人才會找個信仰來玩玩……
而在這段被人「煩擾」的期間，家中常發生「大事」——一個糾纏了這個家好幾年的問題。
吵架吵不斷的晚上，嘗試假裝著沒事人不理她們，卻終會被連累。
吵架後打破的東西不知為何總要讓我這個局外人收拾……
這些嘈吵聲令我夜夜不能眠……
我不可裝聾，因為聲音總是流進我耳朵，雙方的激烈吵罵聲，有時被惡言中傷的媽媽，還會大打出手。
有時，我聽到某人對我媽不堪入耳的咒罵，當時未信主的我，理所當然的會反罵那位某人。結果……不用我說也知不會是什麼好結果。
最有趣的是，那位某人總是會向我說句對不起後，然後拿出很多合理化的理由來與自己辯護。之後，隔幾天，繼續與我媽媽展開凌晨對罵戰。
那段期間，我不明白，兩人的罵戰為何總是累及我？被罵的絶不是我，但最後，精神最受虐待的卻是我。那時，我總在想，如果媽媽為我著想的話，她應該閉口忍耐。如果雙方中有人會體諒我的話，便不會開戰。如果……如果……千百個如果……沒有一個真的實現。
可怕的，卻是……「我承認，我對屋企人係自私的！」從媽媽口中的這句話使我徹底心碎。原來，從來都沒有人為我著想過。只是我幼稚的妄想有人會從我的角度看這個世界。自私――合理化的藉口去為自己抓緊幸福，卻弄傷身邊的所有人。
在這段可怕的日子裡，我卻愛上了一本叫《生肖奇錄》的漫畫。女主角，總是為了別人而付出自己，那種無私精神，令我落淚。心想，不自私的人世上有嗎？在世界上，有哪些人真的會不為自己著想？如果我媽媽都是自私的話，那麼還有人會無私嗎？
心裡已經給了自己一個絕對的答案……沒有。這種人只會在幻想裡出現吧。奇妙地，當我仍在這個問題打轉時，那位姐姐卻突然打電話來，我卻出奇的接了電話。在我們傾談中，我無意識地問了她一個問題。當時不善表達的我語無倫次地把很多腦內零碎的問題說出來：「這個世界有唔自私的人嗎？其實人自私都係為自己好，但係……哎！這又……唉……」
「你係咪想講如果人唔自私，就係對自己殘忍呀？」
「嗯。」我說。
「係！其實人真係自私的，這無可避免，一定會有。但真的在世界有一個唔自私的人存在過……」
「邊個呀？」
「主耶穌。」她繼續說：「當時佢被人釘十字架都無諗過自己，全部係為世界罪人。你諗下，佢一生無犯過任何罪，並且救過不少，佢都要被人屈，釘上十字架。當時，佢有得選擇離開，但佢沒有做；而且當時佢眼裏看見要救的人中，全部都係鄙視佢、打佢、鬧佢的人，比著我一早就唔救佢地啦！幫完人仲要被人打、被人鬧，自己舒舒服服係天堂坐唔好，理佢地都晒氣啦！」
「但係主耶穌無這樣做，佢仍然願意背負十字架，並且被釘上，讓自己的血流晒出。」
當時，我聽著她的話，自己的淚已經禁不住流下來。有的，是有的……曾經幾度幻想有人真的會不為自己、付出了自己的一切，甚至自己的生命，只為著你……
如果那個幻想中的某人在自己身邊的話，會怎樣？我想我會試著學他，我會追隨著他，想問問他為甚麼、為甚麼可以這樣做？真的可以嗎？可以嗎？不自私、不再為著自己而傷害更多人，我可以做到嗎？
當電話說完後，自己心裡試著跟神說：「教我、教我怎樣可以做一個唔自私的人、教我懂得用你的方式面對一切。除你之外，無其他人可以令我佩服，而你令我服晒，只有你，係你。我願意以後日子都跟隨你、愛著你……」
過了這晚後，我正式的踏入信仰的里程。奇妙地當我愈研讀聖經，愈上教會，我便愈明白更多真理，更發現自己有很多想法是錯誤的。當我嘗試改變，「事情」變得很有趣。家庭問題沒有立刻歇止，但我卻有了架馭它們之上的能力。雖然會有乏力的時候，但有好幾次，是由我親手停止她們的戰局。
這是心理作用？我想唯一明白個中理由的只有自己……憑著自己的話，可以嗎？有好些事你認為絕對不可能，但卻發生了。我知道，是祂伴著我、賜我勝過困難的能力。是祂、是祂……一定是祂才能夠救我！除了祂以外，我找不到還有任何人是我可以信靠的！
不自私的人、無私、無條件的愛……世間上只有你一位、是任何人也不能取代的……
「寒風經深秋，愁緒空虛於心扣，惑困佔據我心頭，夜痛哭孤單在顫抖。
耶穌今牽我手，挪開悲傷、除哀愁。無盡訴求，今被你悉透，惟你拯救。
縱眼淚滿流，你引導我走，你是密友，於心中緊扣，共我挽手陪伴到永久。
神呀！容我於寶座前，獻盡愛與呼求。
憑信前往，堅守每日正直路途，從未會放手。
憑「說」除去軟弱困憂，存聖潔永不退後。
深知我能夠，藉你話語得拯救。」
「因為我深信無論是死、是生、是天使、是掌權的、是有能的、是現在的事、是將來的事、是高處的、是低處的、是別的受造之物、都不能叫我與神的愛隔絕。這愛是在我們主基督耶穌裡的。」羅8：38-39
將所有榮耀頌讚都歸於慈愛的神，Amen！
教會姊妹
| |
今日在ziondaily睇到呢個見證,都幾好~
在呢個世界當中,無錯,人係好難唔自私,
因為人有罪性....
唯有神..只有祂,無私禁付出一切~
感謝神啊!讓我去認識袮,去學習袮~
唔自私----呢樣係我一定要學習ge功課! |
2006 年 7 月 25 日 星期二  |
| 萬物都有定時 |
分類: 未分類 |
今日同姊妹佢地聽帶,聽左禱告戰76,
跟住我地就一起唱詩歌,感覺好好,好flow呀..
我仲錄左幾首..
星期4會再聽過...
多謝小純幫我整ge頭像呢..唔錯啊^^
 
媽媽話如果我只是番5日大陸,就唔好番wor,sin車$wor..
我本身都有諗住,果間店請我就唔番ge,
依家媽咪都禁話,姐係佢一定要請我啦!!
尋日聽左個我好開心ge消息,
sally报左受浸啊,佢番左兩個禮拜家聚咋,
就禁好反應,真係好開心呢^^
雖然唔係我帶佢信主,但係見到一個自己識ge朋友去愛神,
真係咩都冇得比較嫁~
諗番起,其實一年幾前我都邀請過佢番教會,
但果時,因佢唔清楚我ge教會,so冇答應到我.
依家由另一個姊妹帶佢番,而且我地下年又同一班wor,
真係萬物都有定時呢~ |
去元朗~~  |
分類: 未分類 |
今日同柏柏,繐ying,月華去元朗,
同左佢地去千色影貼子相,
不過手機影出來一般,so唔獻醜啦^^
跟住見到鋪頭請人,就同繐ying去填資料...好想好想佢會請我啊,
要不停宣告先得,"佢一定請我地,一定請我地!!"
大家都幫我地代禱呀,百倍祝福!!
我買左兩對耳環啊,本身一對$15,但係佢好好呢,$10一對比我地^^感謝神!!
  
其實d相宣告清,so實物靚d~
行行下10點倒,我地去左食B仔涼粉,第一次食咋,
每人食左$17,夾份食lo^^
柏柏話佢生日果日同姊妹去東門,
放心啦!你約到,無物特別事都會去ge,生日大晒^^
最後就當然快快樂樂禁番屋企啦>3<
|
« | 61 | 62 | 63 | 64 | 65 | 66 | 67 | 68 | 69 | 70 | »
|
