個半月的假期開始了,
考試也同時來了,
琴日考英文,勁簡單,考2個鐘訓左1個鐘,下一科星期五先考,
今日訓左好多個鐘,搞到晚上勁精神,
由琴晚1點半訓到今日黃昏6點....

成日都無溫到書,聽日要早d起身溫番書,

msn無啦啦比人封左帳號,都唔知咩事,

send信去客服又唔理我,

都唔知幾時先開得番,

上星期三休閒過後,整整的忙碌了一個星期,
由上星期六開始一連三天出左去傾中文project,
晚晚都搞到成12點幾先番到屋企,搞左好多日,先得千幾字,
除左d人到唔齊之外,最火滾就係遇着d無腦人士,
上網copy資料唔係錯,但copy都copy錯就好大錯,
叫條友介紹遠足,佢竟然可以話"遠足即是由一點步行至另一點",
佢仲要理直氣壯咁話係上網copy嫁喎,
都唔知點解d人可以咁無腦,
自己做完d野同無做過一樣,仲衰過用百幾字去講一堆癈話,
要人幫佢執手尾重做,真係講起就扯火,
下個sem見到同佢同班個d即調班,唔想再同佢做project,

星期三,
project匯報前夕,字數只有2千多字,7名組員只有3名出現,
合3人之力係數小時內將2千幾字谷到上4千,
到了晚上,有一名組員回歸,但進度都不太好,
到了11點半都只係有4千多字,字數不足,只好相約回家msn再續,
驚險ge事就係咁發生,
11點9去到地鐵站岩岩走左班車要等十分鐘,
個陣已經擔心緊會唔會搭唔到輕鐵尾班車,
當12點10分在尖沙咀地鐵站前往尖東西鐵站途中,
傳來了一陣廣播"前往屯門的西鐵線尾班車已剛於12點09分開出"
已心諗"大鑊,無西鐵點番屋企,唔係要行番去呀"
之後即刻拎電話出黎諗住打比老豆求救,
點知一拎出黎,部機無電熄左,
個刻真係超驚,唔知點番屋企,
勁無助,好彩問到有人教我咁搭車番天水圍,真好彩,

大約2點番到屋企繼續傾個project,
去到4點幾大家都眼訓,因此叫d組員都去訓,
得番自己一個做,作埋篇總結出黎,
最後成果有6千多字,
但已經5點幾,
訓左個幾鐘又起身番學,
第一堂就present,估唔到琴日勁急整出黎ge野都有b+,成班最高分
如果努力做可能a到添,
下次做project唔要再同d不負責任,無腦,組織有問題ge人做,
明明7個組員,只有4個人做,
真係做到好火滾

maths同ethics ge測驗終於完成左,
maths應該可以合格,
ethics個份...
我題目都睇唔明,認錯曬d字,T/F question應該錯曬,
ethics份千字文用左5個鐘,亦都完成左,
琴日唔見左個隻手指,好彩搵得番,
呢個星期終於可以抖番下,
下星期開始又要努力,聖誕要考試=[


星期六比某人昆左去"游水",
點知原來泳池維修,
之後去左睇天凶之城,
套野除左畫面靚之外,真係無野可以讚,
睇左創戰記Tron,魔幻王國ge預告片,
應該好過套天凶之城,
聖誕真係好多戲,
創戰記,魔幻王國,仲有哈利波特,
有無人一齊睇,我3套都想睇
 

昨晚一班OCAMP中識的新朋友同我慶祝生日,
去左食PIZZA,,又有蛋糕食,仲唔洗我比錢:D
又慳番百幾蚊,
真係好多謝佢地,
與久違了4年,屬於自己的生日蛋糕重逢
個朱古力蛋糕好膩,但好好味,

星期四測電腦,
星期六測MATHS,
下二交用英文寫的千字文同ETHICS測驗,仲有ETHICS  present
要快快手溫書,快d做好個千字文

我會記得有人欠我一個蛋糕的

原本諗住今日趕曬d畫畫功課聽日交,
點知又係hea下hea下咁最後又無做到,
今日一次過睇曬3套反斗奇兵,
真係睇幾多次都咁好睇,第3集個結尾都係咁感人,
今晚老豆搵左舊龍躉番黎煮,
可惜蒸得太耐,d肉"鞋",
食完飯老豆走左入我房同我傾計,
話公司生意唔好,可能就黎無得做,
又話遲d可能要打番工,
1-5都係澳門做野,
諗番自己琴日真係用左好多錢,
呢個月要慳d洗,要認真儲錢,
我要下年暑假前儲到一萬