你既擔心, 唔捨得, 唔想離開, 唔相畢業, 唔想分開......
相信所有既同學都能體會.
縱然你有千個萬個不捨, 還須面對那份不捨.
你問我畢業係咪等於失去朋友,
我會反問你"難道你願意失去相識多年的朋友嗎?"
友誼係要努力去維持架,
以往你地日日見面,天天回家煲粥,
用上許多時間, 呢D咪就係"努力"維繫友誼喇.
升上中學後, 當然不能日日見面, 天天回家煲粥,
係咪甘樣就會無曬小學既朋友呢?
如何維繫友誼呢?
甘就真係要睇下你地自己付出既努力啦.
雖然不能日日見面, 天天回家煲粥,
也能間唔中見下面,亦能間唔中煲下粥呀!
點忙都好, 放假既時候都可以約出黎玩下呀!
好似我甘, 我第一年做六年班班主任個班學生今年已經中四啦,
係佢地班同學當中, 間唔中都有D同學會打比我, 又或者約我出去食飯, 甚至去踩下單車, 燒下野食.
我覺得隔左甘耐, 我同呢班學生既感情都無變過, 都係同以往一樣,
佢地得閒會打電話同我傾計, 我都會主動同佢地出去玩,呢D就係"努力"喇!
真感情係唔會因為時間既改變, 地點既改變而改變,
要維繫人與人之間既感情, 係需要"努力".
我講得好似好簡單, 或者好理論甘,
但以上既, 都係我既經驗分享.
到依家, 我都有同D舊生聯絡,
甘當然唔係畢業左既同學, 個個都有同我連絡啦,
事實係, 你願意付出努力同時間, 未必人人都同你一樣甘唸,
如果你遇到呢個情況, 你無得強求架, 雖然無奈, 但也只可接受.
但有可能又有個情況係, 以前可能同你唔係好熟既同學,反而之後同你好好傾, 成為你既知己.
我有個學生係五六年級個時好靜, 好被動, 平日都唔多出聲架.
個妹妹畢業左之後, 我都好耐無見到佢,
有時望番張畢業相, 心裏面會唸"呢個妹妹都未必會記得我呢個班主任."
一年前, 突然有日, 個妹妹自己一個人番黎學校揾我,
佢成個人唔同左, 開朗左好多. 我依家依然有同佢連絡呀!
將來有好多未知數, 感覺令人好似好不安甘,
我就將呢D未知數視為挑戰同考驗, 抱有希望, 以平常心面對, 呢 D係我係信仰上學到既, 希望我既分享可以幫到你同埋其他同學啦!
其實, 自從係 camp 到出黎, 我發覺 有部份 6A班既同學係有改變架, 唔知你察唔察覺得到呢?
或者你可以考慮下同好朋友立下一D約定, 好讓大家能抽空見下面.
唔好灰心, 努力面前, 堅持到底呀!
|
