久等多年，終於尋晚睇完成套戲。
回想多年前喺雜誌上睇到呢套戲就上，大約介紹咗個故事同拍攝過程，就諗定要去睇但到畫都落埋都一直無時間實行。
某年又同朋友講起一直想睇《保衛奇俠》，朋友就「寫包單」話套戲一定唔會令我失望，的確睇完覺得同我期待�H一樣咁精彩。
唔單止好睇，而且睇完令人好多嘢諗，諗到個腦停唔到，好似俾佢開啟咗腦入面�H『奇怪開關』咁（？）。
到頭先出去食晚飯，我都仲未停到口同我另一伴討論，自己對套戲�H睇法、當中羅夏呢個角色係講得最多。
想喺度記錄一下，但因為講過太多嘢未必寫得晒，咁有遺漏就留待下次再寫多篇。
套戲入面令我最有所感�H就係羅夏呢個角色。
羅夏總係被孤立�H一個，同伴也好、街外人也好，都係當佢努力捍衛正義�H行為＝偏執、痴線。
羅夏反抗政府無理�H英雄法案、繼續以佢�H方式警惡懲奸，得到�H係警察同市民視佢與姦淫擄掠殺人放火�H罪犯無異，甚至到佢失手俾警察拉咗入去坐監，監獄入面起碼有一半係佢有份捉入去，咁樣無疑係對佢捍衛正義�H付出作侮辱。咁到底係咩驅使羅夏，無償、仲要冒住俾人拉俾人殺�H風險而繼續承擔『英雄』使命？
我諗係源自佢�H呢份『覺悟』：
呢個世界變好／壞，自己係有份做成。
——有能力�H人怕整污糟自己而拒絕動手、或因為好多原因而放走壞人，
就等如對邪惡妥協、即與壞人無異。
羅夏所指�H『我地自己有份做成而家呢個世界咁樣』，當世界變得愈來愈壞，唔剩止施害一方有罪，有份縱容、覺得事不關己�H旁觀者亦有其責任。有部份人則覺得：『我都無做壞事！我又點會係壞人呢？』對自己有份縱容邪惡無感，並滿足於『自己稱唔上壞人、但又唔想做好人』�H呢種狀態。
羅夏�H呢種『覺悟』，亦係呼應笑匠越戰幫政府打仗果陣喺果邊搞大咗個女仔個肚唔認數仲錯手殺埋個女仔、之後話曼哈頓博士喺側邊睇住成個過程，有能力預知結果但又唔出手阻止佢殺人呢段情節。
——到底係人類犯罪之後瀉個波俾上帝？定還是上帝見到人類犯罪但不作阻止？
（亦可理解成：犯罪者可大條道理歸咎於『無人阻止』呢個理由去做壞事？定還是社會上無人行出嚟阻止犯罪者先係世界變得愈嚟愈壞�H原因？）
對呢個問題戲入面就提供咗兩個立場出嚟。
呢套戲俾咗太多嘢我思考，相信我仲有排諗……入面有太多嘢同現實好似，好犀利。太多嘢想講，但文筆唔太好，等我準備好會再寫一篇更好更細緻�H評論。
