尋晚我6點就到左東港城

因約左Tony去囉...

個衰人明明約左我...竟遲到

所以我冇理佢...自己去左食飯...哈哈!!

食完飯打俾佢...佢話佢去左排隊

因我唔知係咪真係排個條隊...所以唔跟佢排

then.打俾小蘭問佢係邊...原來佢仲係藍田...佢話地鐵有d故障

大約7點佢先到...跟住集合fans club d人

見到好多新臉孔....

個活動8點45分先開始(等左好耐呀!)

第一個出場竟然係王友良(唔知係唔係咁寫個名)

佢唱左一首聖誕歌(不過音樂好細聲,聽唔到佢唱d咩)

then,有2個小妹妹唱歌

唱歌途中我最期待的人終於出場啦!!

威威企左2個小妹妹的中間

威威仲搭住d小妹妹,仲同左我地講聖誕快樂

p.s 我地今日改左口號- 羅力威聖誕快樂!

then,主持人同威威傾下計

威威話會努力唱好d歌!!!

跟住威威唱forever love (好好聽)

佢將唱forever love 個時 改左merry Christmas

仲係只有音樂時講左現實不重要

跟住同3個fans玩games

主持人問問題(關於威威)

如果答錯,就會被威威刺破氣球

威威原來怕氣球的

佢刺氣球個陣個樣好驚咁

又唔夠力刺破氣球

係咁縮黎縮去(好好笑呀)

then,威威唱尋找的是妳

佢唱唱下會過黎同我地握手同收禮物(搞到現場有d混亂)

佢會照顧上面的人(有時向上面揮手)

then,Jason(陳柏宇)出場

同威威握手

佢地2個都好謙

Jason就向威威躹躬

威威係咁彎身(坐低個身)

佢地係咁輪流咁做(好好笑呀)

Jason讚威威唔怯場

佢話佢自己做新人個陣會怯場

威威問Jason中間d音樂可以做d咩(好似係咁)

Jason話同fans講野/揮手

跟住聖誕老人出場

Jason同威威輪流問問題

Des答岩左問題(有禮物收)

Then,威威走lu!

我都走了!!

P.S

尋晚羅力威d fans真係好多呀!!(佔左3/4個場)

不過已經少左好多...有好多都去左荃灣(可以同威威倒數)     

因為威威尋晚要走2場

一場東港城...一場荃灣如心廣場

聽去左荃灣ge人講有好多tbb ge人讚威威唱歌好聽

唔知佢地係真心定假意...定想叫威威過檔