正常人一日應該都洗一次頭。我都係﹐不過由於我份工返夜﹐有時候返到屋企已經3~4點零晨﹐再者﹐大家都知道我喜愛夜蒲﹐夜媽媽返到屋企﹐凍冰冰﹐又唔想嘈醒屋企人﹐有時候逼不得意唯有洗少次頭... 個頭痴立立之余﹐仲一頭煙味﹐點算好﹗﹗

要夜蒲返到屋企神不知鬼不覺﹐除左 (1) 香水噴衫 (2) 香口膠 之外﹐比我認識到呢枝dry shampoo頭髮乾洗噴霧實在太好了~ 牌子名batiste﹐來源地英國﹐原來外國好出名﹐專門for一D不能洗頭的朋友﹐如準媽媽等~

三隻味﹐分別係原味 (清新味)﹐野性 (可可豆香為前調、花香撩人的雲喱拿及麝香作基調，木香作尾調) 同花香味 (紅木槿、香雪蘭、晚香玉、橙花、牡丹及百合)。$56/200ml。我個人甘WILD﹐更係最愛豹紋野性啦~

用前﹐記住搖勻﹐好似chok cocktail甘。哈哈~ (黎杯snow ball先啦喂~)

噴在髮根位﹐離開頭髮大概30cm左右。哪﹐真係要離開DD﹐否則個頭會變白髮魔女﹐因為D噴霧係白粉狀架﹗噴完﹐撥鬆D頭髮。撥走D白粉﹐順便可以做蓬鬆效果。

左圖係用前﹐事實上﹐咳咳﹐我真係個晚無洗頭 =_= (朋友生日P﹐落左bar﹐頭髮又立又超勁煙味...) 右圖係用後﹐確係立即爽晒﹐D野性味都幾香~ 效果都唔錯﹗

batiste呢枝dry shampoo唔算好重﹐帶出街放手袋都OK。既然係甘﹐我建議都係帶出街用好D。因為用後﹐不只一手係白粉﹐仲要周圍都係 ^^;;; 一陣比屋企人誤會就大鑊了 (講呢D...) 方便係幾方便﹐但善後就有D麻煩。我諗﹐一次半次都可以﹐但最好都係洗下頭啦~ 哈哈~~ 分享到此﹐夜蒲萬歲﹗

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434