新一年已快過一個月﹐中國新年亦快來到。有無為自己定下咩目標呢﹖新一年﹐頭炮活動係weshare x 心靈工程諮詢中心教大家找個好伴侶﹗
圖中係心靈工程師Martin Sir (呢份職業個行頭真係型都核爆﹗)見到大家係咁望住自己隻手﹐無錯喇﹐係睇手相﹗要有段好姻緣﹐我估要好好了解一下自己先啦。
呢隻美麗的爪係小妹架。哪﹐掌紋主要係睇呢幾條喇。而姻緣呢﹐就focus係紅色個條 --> 感情線。老師話﹐感情線有131種﹐好多combination﹐果然係世界很簡單﹐人類很複雜... 其實我唔係非常into呢D風水術數野﹐但有樣野我覺得都幾中既﹐就係我條事業線(橙色)係直不甩﹐即係話我轉工種機會微。係呀﹐現時為止﹐我好滿意我既工作性質﹐我真心覺得自己個行頭都幾型﹐雖然唔係話型到核爆。其余主要既紋有生命線(粉紅色)﹐頭腦線(藍色)﹐同埋名望線(綠色)。因為好難明﹐我唔多講啦~
有興趣click入去睇睇~
命運是對手﹐但其實命運亦都要配合埋其他野﹐例如面相。老師教左我地4步曲﹐可以粗略而準確地pre-screen一個人﹐which我覺得真係幾準﹗呢一part實在要同大家好好share一下。(我已經同我班兄弟幫睇過﹐準繩度達90%﹗)
- 先睇唇﹐厚者澤心仁厚D﹐少D講hurt人既說話。
- 額頭﹐闊既人頭腦轉得快D。點為之闊﹐要用自己既四隻手指(除姆指)放在額頭(狀如度下自己有無發燒既手勢)﹐如尾指掂唔到條眉﹐即代表闊喇﹗
- 耳仔有3種shape﹐如圖。有底線者﹐即係唔過由自可﹐過左佢條底線你就大鑊喇﹗
- 鼻哥窿﹐圓既人發皮四發兩發就無事。尖鼻個窿既人﹐會堅嬲你嬲到2046﹗
summarize the above﹐即係如果你有個簿唇﹐闊額﹐尖耳﹐尖鼻窿=勁易嬲﹐一嬲就勁大脾氣﹐鬧人時轉數快鬧到你口啞啞。希望大家個老細個樣唔係咁啦﹐如果係﹐我只可同情你了~
         
Martin會混合好多元素去分析一個人﹐其中一個係用tarot﹗唔知大家有無玩/試/學過塔羅﹖我年少事學過﹐自己對塔羅一直又敬又畏﹐有時候D牌真係可以反映到自己個心諗緊乜架。
經過種種既講介﹐其實finally個目的都係想自己多多了解自己係個咩人﹐內心深處desire既又係D咩呢﹖心靈工程﹐正是如此。唔係要你迷信﹐唔係要你買符掘窿去催吉被凶﹔而係希望透過玄學﹐進入大家心靈﹐改善自己不足﹐欣賞自己擁有。無論你目的係真係想搵個伴﹐抑或係轉工轉行﹐對前途感迷茫﹐都可以試下從心理&玄學入手。因為好多時候﹐你唔可以改變現實﹐你只可以改變自己去fit this world。
我自己覺得呢個理念幾新奇﹐可以一試。最重要係心靈工程諮詢中心並非要導你迷信﹐滿天神佛。大家記住﹐性格決定命運﹐如果你怨天怨地﹐有無一刻反醒過自己呢﹖
Thanks weshare.hk and psychometry consultant centre! really learned something today ;)
more info: https://www.facebook.com/psychometry.consultation
**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。
謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434
|
