住荃灣的朋友介紹我試這間叫hair trend的髮型屋，我覺得價錢幾抵，效果都好，想介紹一下給亦是經常幫襯洗剪染的朋友。

其實我要求不多，因為本身白髮底，但求覆蓋白髮。而長度正及肩，不長不短最慘，考慮到天氣極度炎熱，湊仔又不方便，靚仔髮型師都贊成修剪一下。

染髮用wella，正常大牌子，這一隻是有ammonia，我個人是沒preference，但求白髮都上色便可。

聽髮型師講(其實每次整頭都知道…)，我的頭髮十級多，所以要染全頭，內內外外，都需要一段時間…出動到兩個人，認真巴閉。

焗十多分鐘，因為怕白髮位和黑髮位染得不均勻，再加染髮劑，然後再等一會。這個step是比較少髮型屋做，感覺幾細心！

洗髮後，吹乾其實覺得已經好靚。偷薄後，成個人清爽曬！正當我以為完成時…靚仔髮型師竟然幫我set頭！教我頭髮雖然短，但都可以用包租婆卷髮夾夾一晚，會和用熱卷髮器出來的效果差不多。

我自己就滿意到不得了，畢竟我一坐低的要求只是"染髮，修一修"。能夠將一句虛無飄渺的指令發揮至極緻，真心配服荃灣hair trend的服務！價錢$450(相信因長短，用料而有不同收費)，抵到裂開，尤其是和我一樣短髮一族，返工又不能追求太花巧的染髮朋友！

facebook: https://www.facebook.com/pages/Hair-Trend/423322544405073

**產品/產品資料由品牌提供﹐真心分享﹐但畢竟大家DNA不同﹐效果因人而異。歡迎電郵查詢 :)

找我﹖[email protected]
https://www.facebook.com/popcornellie
http://instagram.com/popcorn_ellie