仲有一日就出糧啦耶耶~~辛苦埋聽日就OK勒~

今日勁開心呀。一起身無聊想搵搵柯南D歌啦。唔小心搵番三年前一直上開個論壇喎@@

一入去發言就勁多人歡迎我番黎@@真開心。我係戈到既地位待同SCWU既水王一樣(直情一樣@@")

今日番工前買左盒黑Y食。我之前睇盒以為係純煙之類啦@@點知係薄荷煙喎XD

今日放左工同阿海去打CS啦。佢打左五年幾。我只玩左3個幾月。

不過同佢打過先知。未至於俾人炒之外。仲羸多佢4局。又好開心XD 佢係咁話我勁@@"(不過我的確是好屎的啦。)

今日偉仔同我傾計時。我先知原來佢番工無人工出。。。

其實佢4個月前係做樓面既。因為同大家姐嘈過。俾人炒左。不過佢又識水吧D野。

咁係大家姐放左工之後。佢就番黎水吧幫手。佢個師傅都叫佢走。但係佢話•。。

出面D人都對我好好。我都唔係好想走。無人工都好。最緊要開心。''

佢話得閒教我沖野飲同做水吧D野食。不過。我話我都識既。。。不過就俾佢反問番。

"你知唔知檸茶糖既份量幾多?奶茶又要加幾多奶同埋糖先夠味?依家D客。。。俾少糖佢又話太淡

 加多糖俾佢又話太田。"佢又同我講。。"俾著你都唔會做一世樓面啦下話?我本身都好似你咁。

 以為嘜都唔理•打份工就算。不過原來諗既野同現實係好大出入。做水吧既。人工都高過你啦?

 做樓面有咩學?睇單?寫單?無野學嫁啦。。。好似我咁。就算依家冇人工。我番黎幫下手

 學下野。第時出去搵工都有優先丫嘛。你話係唔係?" 俾佢一點真係點醒我。我睇黎又要重頭評價佢份人囉。。