我都好耐冇寫過網誌啦！

經過兩日一晚既中四教育營， 真係攰到加零一！ 不過，今次Camp有好多人流眼淚，如果唔係因為聽完瑾同邱講佢哋既真實故事，我唸我都唔會有興趣寫呢篇網誌！

我都想講一個真人真事，個故事係咁既︰

從前，有一個係南非出世既香港人，因屋企人想返香港定居！但父母都仲有工作未完成，要留多幾日，於是佢就自己一個搭飛機返香港先！但由於佢係南非出世，所以之一句中文都唔識講！好彩佢姑媽係油麻地某間小學做校長，以比佢試下做香港既學生！(佢黎香港既時候只係啱啱幼稚園畢業！)同時，屋企人周圍幫佢搵小學！最後係搵咗一間村校讀書，中文既成績都變好咗！但係開始咗小學之後，佢每次跑步都一定入醫院！而且唔夠人跑都會喊一餐！因此，以前識佢既人都叫 佢「大喊包」！但出奇地，係踢波既時候就唔駛入醫院！升咗上中一之後，佢應承過自己，以後都唔會喊！但佢做唔到，淨係冇係人面前喊！多得佢一位朋友，佢變得比以前堅強好多！但咁耐以黎，佢都冇積極參與過班會活動！而且又冇自信，就連主動去同人傾計都唔感！

如果識得我夠耐就應該知道呢啲事！

不過，呢啲事連識咗我四、五年既莉姐都唔知！

冇錯，上面既主角就係我！

P.S.當日我真係冇識錯Billy！