31-01-09 星期六 年初六
呢日英姨係大陸返左黎 所以黎左我屋企拜年
佢好似搬屋咁 拎左好多野黎 仲帶埋大陸d利事俾我同珍珍
太好啦 坐係度有錢收 hehe ^________^ 唔該哂啦
係屋企勁勁勁無聊 唯有睇"不良笑花" """""" 其實我真係唔多想睇
但真係無野做得 有諗過搵人出街 但冇錢咩都做唔到" 唉.....又一日
--------------------------------------------------------------------------------------------------------
01-02-09 星期日 年初七
返工......一返去個時我sure我張櫈係無事ga.....出左去一陣返黎
發覺張櫈"pan"壞左....原來係後面個個死肥仔換左我張櫈囉>..<
有冇攪錯呀!!!!!!!! 你坐爛櫈就算啦 仲換人地個張 賤格!!!
本以為坐4F可以好開心.......點知 針對我個個組長調左呢條line
唔係我多心呀!!! 佢真係針對我ga T^T 我都冇得罪過佢呀!!!
死女人丫!!!!!! 得一個人去左廁所... 我舉手佢唔俾我去囉
咁算啦 諗住第二場去..........第二場再舉 又唔俾 我頂!!!!!!
激到我丫!!!!!!!!!!!!! 但為左錢 我又要忍佢 勁嬲呀!!
俾著以前個個咩都唔理既我 我一定同佢撐呀!! 粉腸丫!!
突然好懷念以前133返工既日子 我講緊既係16歲個年咋~
16歲出黎做part time...........遇上第一個好疼我既經理stephen
我想做咩就做咩 唔想做咩就可以唔洗做
可能就係咁 我被寵壞啦.........亦開始放緃自己 扮哂大小姐
我個時既性格一定好難頂吧 hahaha.......
唔知佢依家點呢??? 希望佢可以生活得好好啦!!!
佢一定唔知道 佢以前無心既舉動我全部都看在眼裏.......
點都好.....佢都曾經係我 親人/朋友 以外 對我比較好既人~
佢絕對值得我在腦海中記住 依家諗返 真係一段開心既回憶!!
.....................好似講得太遠tim hehe~
and then .....................是日baba終於捨得回家啦!!
--------------------------------------------------------------------------------------------------------
02-02-09 星期一 年初八
狂追日劇 我睇我同珍珍真係太太太無聊啦!!!
經過呢日 現時既日劇進度為:
紅線 >>>> 睇到第7集啦.........又要等先有得追埋落去
旋愛 >>>> 睇左3集..........開始有興趣睇落去......等待
voice 同埋 我的帥管家 >>>> 進度一樣啦 都未出新! 等待
套套都要等............睇黎又要搵定下一套啦..........
好彩今期冬季日劇套套都ok暏~~~~
--------------------------------------------------------------------------------------------------------
睇到小花既日記 發覺佢講野好有道理 好有意思
本來想copy左佢ga 但我又未得佢許可wo......
((或者佢可能好衰咁要收版權費呢...hahaha))
所以都係算啦..... 只要我明白&學懂呢個道理就ok!!
|
