各位...對唔住呀....我都唔想我次次打親日記都只係提住"忙"架.....

但係............我真係覺得好忙好累囉..............

公事上............做返自己應該做既.......其實都已經夠多啦......

仲要無啦啦啃埋其他人既工作.......真係好唔鐘意囉...............

無錯....我係可以SAY NO既..........但如果我真係SAY左NO....我以後仲可以係度生存咩??

唉.........我真係無咁既勇氣去搏囉...........

星期五.......因為有個調查.....就搵左我去做"打字手"........

我既任務係:   將受害人 & 証人 所講既野即時打入電腦.......

(真係救命.......你要知道....我打字根本就唔多掂.....

諗得邊啲係重點黎........人地都講完啦.........莫講話要諗埋個字點樣打...)

就係因為要啃呢一個工作............搞到我足足驚左一個星期.........

唔係我小題大造呀...........我真係食唔安訓唔落囉.........

結果個晚........我唔經大腦打出黎既野.........只有少部份用得返.......

其餘既............都係靠大家DROP低既野.........重新整埋返出黎............

還好..........事情已經過左一半...........已經可以無咁擔心啦..........

我只要捱埋星期一.........參與埋被告既問話...........就算完成份內事........

可以專心做返自己應做既工作啦.............願可以每晚於7時前返工啦................

=======================================================================

就係因為剛提到既調查小組由星期五晚既9點開始............

結果問完個3個人.........搞點左份報告俾佢地簽完名....................

離開柴灣車廠都已經3點半.....................同其餘三位同事一齊搭的士返屋企................

呢一晚......我有間唔鐘咁望向天空架................

但結果都係見唔到我想見既流星雨.........(雖然預左....但都有啲失望...........)

興幸既係...............天光前成功歸家........  落床即刻訓得著.....