尋日去完旅行返黎喇,,行程都算ok,,幾開心喇,,等我同大家講下呢幾日既行程喇...
25/7：今朝7:00am起身,都算早,真係勁唔想起身
今日張鎧晴會去加拿大,同我差唔多時間上機。去到機場之後,我就周圍係到搵佢,睇下撞唔撞到佢,話晒都一場同學,梗係想送佢機喇,但係都係搵唔到佢,結果都打左俾盧德琳,原來佢同龜士都係機場,最後都搵到張鎧晴,送到佢機,希望佢係加拿大可以開開心心咁生活喇=)!!
上左機喇,係高空上望落d雲到,真係超靚,成個人間仙境咁款,有相為證架 
落左機,去左一個叫黑虎泉既地方,個到d水好清,可以見到水底有d乜,你地睇下 
個導遊話d水可以飲,但係個到d人用d水黎浸腳囉 
雖然個導遊話飲個d水真係乾淨既,但係我總係覺得d水係會循環既,所以都係冇飲到,食完飯就返酒店lu
26/7:今日去左泰安市,晏晝去左行泰山,首先搭架車上左纜車站,然後搭纜車上去泰山千幾米到,再行上頂。行到上頂,個到有個地方掛左勁多鎖,少講都有幾萬個 
落到去,見到有間鋪可以係米上面刻字,覺得好得意好靚。呢個就係製成品喇 
呢張相唔係好清楚,粒米上面刻左我個名&"學業進步"4個字,真係好靚=)!!食完飯又返酒店喇!!
27/7:今日去左一個叫濰坊,去左一個叫做楊家埠既地方,係個到買左一隻貓頭鷹既風箏,真係好得意 
去完楊家埠,就去食晚飯,食完晚飯,就返酒店喇!!今晚間酒店特別靚,係外面一睇成間半島酒店咁款,可想而知有幾靚喇!!
28/7:今日終於去到青島喇,首先就去左青島啤酒廠先,個到好大,一入到去仲以為自己去左可樂廠,因為一枝枝啤酒遠睇真係超似可樂!!係個到我嘗試左第一次...飲啤酒!!我已經倒左超少架喇,,大既得幾mL,但係我都將佢分左兩「擔」黎飲,點知入左第一「擔」,已經唔想再飲第2「擔」,因為真係好苦好難頂,但係為免浪費,我都逼於無奈飲埋第2「擔」,但係我發誓我唔會再飲第3「擔」!!係個到買左一d叫做啤酒豆既野,其他人就鐘意,佢地話配啤酒簡直一絕,但係我就真係麻麻,但係我都買左一盒,稔住分俾大家試下,有興趣者就add我喇!!
呢個係經過真空包裝既啤豆,第2個係啤酒豆個盒 
跟住去左食lunch,加左送,加左蝦&鮑魚!!唔好睇小呢兩樣野,佢地兩樣野既特點就係大!!隻蝦有茶樓個d鐵壺一半咁高,但係隻蝦仲係曲既,可想而知有幾長!!唔信!?有相為證 
隻鮑魚就有我手掌心咁大!!又唔信!?都有相為證 
呢餐食得好開心=)!!食完飯去左一個叫小魚山既地方,上到去一個亭,見到下面d樓大部分都係紅色既瓦做頂,真係有瑞士既feel  
落左亭之後,就去左一d賣野既店到,見到有d用陶"磁"做既屋,好靚呀,,好似外國個d屋咁,忍唔住就買左喇!!
夜晚去左行街,買左2樣野,一樣係袋,一樣係拖鞋  
真係好靚,真唔買返屋企都唔得XD!!
29/7:今朝5點鐘就要起身,因為搭8:20am早機走!!其實都有d唔捨得離開呢個地方,因為呢度有好多值得我留戀既野!!
去到機場,check in個陣,聽到領隊話曾志偉會搭我地班機一齊返香港,聽到我o晒嘴!!
入閘個陣,見到後面有個戴住黑超既人,初初都冇乜點留意佢,但係望多佢兩眼,先覺得呢個人既面型有d熟識,稔稔下覺得呢個人好似王力宏,但係唔咁肯定!!呢個人後尾行左入特別通道,所以我更加確定佢一定係非富則貴既人物!!
上到機坐左陣,就見到曾志偉真人&疑似王力宏既人喇!!真係好開心,因為好少見到明星~~落左機之後,老爹同個領隊講野,先知原來果個疑似王力宏既人真係王力宏!!連張韶涵都係機上面,真係超o嘴!!
返到屋企先係2:00pm到,即刻狂睇返之前錄底既節目,就咁又過左1日lu!!
30/7冇乜特別,所以唔多講喇XDD,,希望快d做晒d暑期作業喇,咁就唔洗搞到我咁煩-.-
|
