今日係我的生日..昨晚收到娜娜..嘉嘉..嫻嫻的信息..好多謝你地呀..

娜娜同我講左好多野呀..可能係我之前唔知點樣去表達...使到我地之間

唔知幾時從有話不說變到如此陌生..原來有好多野你唔講出黎..身邊的人係

唔會知架..娜好多謝你對我講我係你心目中永遠都係最好的朋友..仲有麗..慧琪..

永遠都唔會忘記我地以前係埋一齊的經歷..記得當我做錯的時候要提醒我呀..

你的話語讓我放下左呢數個月黎心目中的大石..因為我之前以為我地可能回唔到以前了..

我很驚失去..我也有想過放棄..但我個心會痛..但而家我知道你唔會唔要我的..所以放心囉..

呵呵!!仲有嘉嘉好偉大呀..花左巨款幾毫..不惜浪費電池電力,頂著電磁幅射的生命危險

sd左個信息俾我..我超級感動..^o^"..嫻嫻要我每日愛佢多一些喔..我會喔..呵呵..

返學校都收到好多同學同我講"生日快樂"喔..好多謝你地喔...

lunch果時去左..信team開會..係度諗games俾from1仔玩..我地諗左玩"麻鷹抓雞仔"有d低b,呵呵

不過冇計啦..都諗唔到玩咩..super leader好kind呀..冇啦啦係度冷笑..嚇親我地呀..哈哈..

之後lunch完左返課室..班油仔知道我生日拉住係度大聲唱生日歌喔..我覺得唔好意思..

好快就閃左啦..哈哈!!!放學仲諗住要去唱k架嘛..e--又要我地上禮堂聽d唔知咩野..

早知閃人算啦..遲左上去俾人罰企喔..妖..超級"雨"...俾人望住晒.... 唉....

4點8閃人..最後都趕得及去唱k..有嘉.敏.菇.保林..廖良啦..去左neway..

佢地買左個生日蛋糕呀..好好味呀..跟住食野啦..開香檳果時好好玩呀..

諗住嘖佢地架嗎..佢地好鬼驚喔..真係細膽  嘿嘿..點知唔識開喔/.呵呵..

之後開左點知支野唔嘖喔..呵呵..我埋周圍淋囉..呵呵..佢地有幾個濕左..哇kaka..

之後食左好多野..好飽..8點幾就回家囉..仲有仲要多謝泳蘭妹的生日禮物喔..仲有一直

都好鍚我地既趙sir..thank you !!

最後希望所有的朋友都快快樂樂!!