生日快樂呀~~~delhi

星期六黎唔到，唔好嬲呀~~

下次出黎送番禮物俾你~~~

今日係第一日返工，好準時返到去呀，

不過間公司唔駛打咭，所以d同事都遲到，

成日都無野做，學人返工睇文件呀，哈哈~~~

下午之前見荔枝角個份又打黎話請我呀！！！

唉，真係有冇攪錯架！

個邊俾個高過呢度既職位俾我，

嘩~~聽到心郁郁呀！

福利兩邊其實都差唔多，有好有唔好，

職位高左變相做既野會難左，但朋友都叫我試下，

有d朋友又話我應該唔得，

我對自己都冇咩信心，因為自己知自己事，

知道自己既功力去到邊，但唔試過又點知呢？

真係超難抉擇呀！！你話我應該點做好？？

不過係二姐姐令我決定留番係呢度，

大家一齊分析左之後，都覺得呢度暫時對我黎講會好d，

不過一諗到荔枝角又會有少少心有不甘，

唔通個天都唔鍾意我？點解係都要玩我？

再見啦，荔枝角~~~~

尖沙咀我返黎啦！