今日無街去，因阿銘要返工，

諗住夜晚去食烏冬，點知又放太夜都無去到，

最後過左建生食野，返黎個時我都見到山火呀~~

我都問爸爸我地要唔要疏散，哈哈~~

睇新聞先知已經燒到去蝴蝶村個邊，

真係誇張呀~~希望快d救熄啦~~

見朋友回顧上年做左d咩，等我又回顧下先

1) 鬧交。記得2月同阿銘鬧左場好勁既交，都唔算鬧交既，都唔知係咩，

    不過唔知佢記唔記得，但我就好深刻。

2) 結婚。3月好朋友mabel結婚，我做第3次伴娘，減肥都係唔成功，

    肥住咁做，哈哈~不過見到佢結婚真係好開心，衷心祝福佢地~~

3) 辭職。5月終於辭左做了7年既富臨，之後做過2份工都唔長久，

    好後悔以前冇去讀書，7年黎得到d咩？真係唔知~~

4) 儲錢。今年又係一個仙都儲唔到，呢樣真係唔開心，

    不過都係自己唔努力做野之過，唔怪得人。

5) 識到一班好姐妹。班姐妹之前已經識，

    但因為mabel結婚令到我同佢地梗加熟絡，

    多了一班好朋友~~~

6) 11月小瑩結婚啦~~今次係我第一次做姐妹，

     好開心見到另一位姐妹出嫁，幾時到我呢？

     可能係遙遙無期。

7) 身體健康。今年又係好多病痛，呢兩年身體差左，

    真係明白到一個人如果無左健康，就咩都做唔到。

    希望來年會咩病都無晒，要早d訓，同埋唔好飲凍野！！！

    爸爸身體快d完全好返晒~~~

8) 減肥。係我每年既使命，想早d完成佢，

    我知道減肥最大既心魔就係恆心同積極，

    無耐我兩樣都冇，希望出年佢地會返黎搵我。

9) 婆婆過世。希望佢係另一個世界生活得開心。

10) 今年夾埋總共抖左3個幾月，後半年總括黎講唔知做左d咩野。

      希望來年搵到一份岩自己既工，咁就very good~~~

明天再講我既大計！