12點去左新蒲崗見工，一見就即刻請左，

制衣公司人人都話唔好，希望今次係份好工，

唔好又黑仔啦~~唔該唔該

不過返5.5天，諗起就想咸

之後約左富臨舊同事食lunch，食飽上去玩左一陣，

cindy生左bb啦~~仲係仔添呀~~恭喜晒

susanna都就黎生啦~~好多人生bb，真開心~~

以後好近富臨，可以得閒就過去玩下囉，

睇下佢地有冇part time俾我做下先，嘿嘿~~

最緊要新年可以返去逗利是不過捱到新年先再算啦~~哈哈

夜晚屋企地下發生連環爆階磚，霹靂泊啦~~階磚谷起晒

勁得人驚，因為階磚下面空心，又凍一凍，

冷縮熱脹，攪到咁樣，嚇到媽媽好耐都未定到，

又要晒幾千蚊整~~~真係麻煩！！