5點40就起身，琴晚仲要訓唔著，
唔知係緊張定阿銘係廳既關係，哈哈，
訓得極唔好....但點都要起身，因為驚遲到
6點50分就已經落街去食麥記，7點15分上車，
7點半就到皇岡啦~~~~~快成咁！
我完全估唔到，結果最早到就係我地，
mabel仲遲到添，就係過關前我地猜包剪搥決定一陣係旅遊巴坐邊個位，
總之過程好複雜，因為我地之前又係msn講過下遲到冇得揀位，
所以最後mabel係尾耳揀位，mabel就大發脾氣啦，
當時我都有d驚 ，未見過佢發咁大脾氣，
仲嬲到走左去，之後就要辛苦阿昌哥啦！
上到旅遊巴就落大雨啦~~~
越落就越大，係車度又玩又食又傾計，
最後撘左4個鐘車先到達佛山.....
到達就食lunch，之後發脾氣既就係我啦，
我岩岩食緊魚，阿銘一個批爭撞到我隻手，
d魚汁飛晒落我件衫同條褲到呀！！件衫仲要係新買架！
當時我即刻大叫，好大聲...我估全場都聽到，
個刻唔知點解好嬲，仲有少少想咸既感覺...呵
去完toliet出黎我已經唔嬲啦~~~
阿銘都話佢好驚，因為佢知我年衫係新買...
之後就去左錢幣博物館欣賞，
見到張錢係"陸拾億圓"呀！幾勁~~~
食飽飽又撘一個鐘到車去八卦村參觀...
個時好大雨呀， 但一場黎度無理由唔睇下架，
本身要行一個鐘，因太大雨的關係，
縮短到好快就去到中心地帶，
導遊話要跟實d，因為裏面好似迷宮咁，
迷左路都唔知點走番出來~~~
睇完又撘2個鐘返酒店，間酒店真係幾大幾靚呀~
之後就到第3個發脾氣啦，就係小塋啦~~~
因為之前大家又猜今晚去邊個間房玩，
猜中去小塋間房，但因為佢地平時實在太早訓既關係，
佢唔想我地去佢間房玩，真係猜輸左麻，
過程又係好複雜，小塋仲眼濕濕添呀~~哈哈
最後食飽飽，就決定去卡拉ok
唱左成晚叫左4打酒，埋單每人都係RMB五十幾，
低到爛~~~~~菠蘿仲飲到嘔添呀~~~~哈哈哈哈
|
