6點半已經起床準備去蒲台島，

我地好好野，無遲到~~

係銘另一friend細mic遲大到，攪到要飛的過去赤柱，

咁岩今日遇正過度天后誕，有龍舟比賽睇，

咁大個女都係第一次現場睇，

所以今日個島好多人，唔知平時有冇今日咁多遊客呢？

睇左一陣龍舟比賽，就出發今日既行程，

首先行左一大段路，見到一望無際既海~~~

再行上D，去到一個超級大風既地方！

少D腳力都吹走呀！

終於俾我地見到僧侶石同靈龜石，

靈龜石開頭睇都唔似，多謝2個途人話我聽，

係要上到好高個燈塔望番落黎先似，

我就無上到去，阿銘同細mic就一支箭上左去啦，

原來我想睇既佛山岩就係個塔附近呀！

但我地唔知道錯失左~~

原本話上去觀日亭望下，但實在太遠既關係，

見到條樓梯都驚驚~~~好長呀！

醫飽肚後就再行另一邊睇埋棺材石同巫氏古宅，

行到上去真係好高呀~~~！

個時已經行到好累...行到腳仔都軟埋！

撘船返到赤柱仲同銘行左一陣，

仲影左d靚相..呵呵

撘2程車返屯門...同阿銘都訓到好舒服，

返到吉之島都撞到大茵~~~呵呵

真係有緣呀...