放工去了佐敦做facial，又係阿麗幫我做，

次次都係佢...都唔知點解，

成間公司好似得佢1個美容師咁，

又粗手粗腳...上次仲出賣我，

今次都費時同佢講野！

做完facial，就撘火車去上水接阿銘，

一齊去左<味千拉麵>食晚飯，

食過<甘味>唔想再食佢d拉麵=.=

用左積分，所以今次好低食呀！

之後一齊回家，發生左一件恐怖事~~~~

睇睇下報紙，突然俾我發現露台個邊有好多毛毛蟲呀~~~~~

開頭見到2隻...3隻...4隻..5隻...6隻..越黎越多呀~~~

全部都好細隻，牆又有，

掀開梳化後面~~~~呀~~~~~~~~~~

俾我發現到一排唔知卵定蛋呀~~~

個排野真係好核突...好核突...

不斷咁打冷震同起雞皮...(宜家寫緊都打緊冷震)

點解會有d咁既野係我屋企架？我屋企不嬲都好乾淨架!!!!

令我想起明天放工回家，媽媽話樓上唔知邊家掉東西落黎，

攪到我露台個邊全部都係唔知咩汁....

如果真係關佢地事，我一定咀咒佢...

都唔明d人點解咁無公德心，可以掉d唔知咩汁落街，

我地今次已經唔係第一次賴野...正衰人黎架！

整走前仲叫阿銘影左張相...要留番明天俾阿媽睇，

攪到我之後唔夠膽再坐梳化....

等左好耐阿媽都唔起身去廁所，唯有明天先講俾佢聽，

發現後我都第一時間入房check下....搵唔到都安心d，

但到我後尾開左燈入房睇書.....佢都入埋黎呀！！

嚇到我喇喇聲熄燈訓覺....