今天係我last day啦，阿head係咁搵盡d野俾我做，

同林靜茵去左麻布茶房食lunch，又係唔知幾時可以再一齊食lunch啦~~

呢餐真係好飽，飽到5點都仲飽緊...

放工個時仲要填份"離職面談"，我填到一d都唔好，

填與上司、同事關係，我填左標準之下，

工作量超輕，即係叫佢唔駛再請人，一個人都做得晒~~呵呵

我冇作大架，全部都正確！

放工之後同林靜茵行左一陣街，好後悔做左3個月，

都仲未用張staff card買過野，蝕底晒！！

又再一次要執野返屋企，希望快d搵到份好工啦，

見工真係一件好苦既事.....

不過諗起放悠長假期都好開心既~~~

但諗起無錢用就..... 愁愁愁

阿銘話大陸報導有個女人由一百三十磅減到去九十幾磅，

個女人仲話"呢個世界無唔靚既女人，只有懶既女人"

我就係其中一個懶既女人......

生日快樂呀~~肥b~~呵呵呵

祝你願望快d達成！

今個9月都幾多人生日呀，有6個呀，黎緊仲有1個~~好多處女呀~~哈哈

lunch同delhi食飯，去左"果一度"食，上次都試過~ok啦！

同埋佢今日lunch，唔知幾時先可以囉~~

下午開cheque個時竟然開番自己個張呀，勁攪笑！

我問阿head做左3個月有冇大假？佢答我"3.1日，o唔ok呀？"佢個D語氣呀...

串到爆..都係問清楚o者，駛唔駛咁呀！

放工一支箭走了，因為要6點半前去到睇醫生，

睇眼仔呀，實在太多紅根啦.....

佢話係"結膜炎"，眼角膜冇事，太好啦~~

不過醫生都好求其咁，但佢好出名架！！

之後再去中旅買套票去長隆，仲諗住好貴，

因為近10月黃金週，最後$988成交，都ok抵呀~~

好想去水上樂園玩，又唯有等下年啦....

終於睇晒張小嫻個本"紅顏X水"，連名都唔記得左添....

真係悶到嘔...今日用左1日既時間就睇晒另一本叫<總有愛我的一天>，

又係超級無聊，點解佢D書變左咁架，

同以前個D真係無得比，

失望

起身唔想返工，諗到要洗頭，

返到冇人同我講野，自己食lunch就唔想返，

訓到下午2點先起身，落街食完野，

返到黎就玩左好耐冇玩過既wii，

玩釣魚，好好玩呀~~~

夜晚同媽咪落左街行路，又係行左2個圈，

媽咪今晚冇行得咁累啦，遲下可以再行多d，

夜d沖完涼經過廚房門口...好似見到一舊黑影，

望清楚原來係曱甴呀！！！襯佢走返入廚房，

我就啦啦林執晒所有野，佢突然係廚房走返出黎，

仲要飛起呀~~~呀！真係叫左出聲添呀！

好驚呀，飛奔返入房，諗左好耐先夠膽一支箭衝出黎熄燈咋！

點解會有飛曱甴架~~~！！